一生懸麵

營業中

休息中

近來日本雖然已經開左關不過都因為無假同貴機票而未飛，次次講起都會話落地第一餐一定係拉麵。既然未去到日本就係香港食拉麵頂住先。今次黎到旺角的一生懸麵，平日夜晚六點都未夠已經都不斷有人排隊。入到去已經好似去左日本咁，大至裝修佈置，小至餐具都睇得出餐廳的用心。拉麵揀左白湯豚骨拉麵同海老拉麵🍜白湯豚骨湯底味道適中，豚肉有燒烤過的香味，入口即化。而海老拉麵一黎到已經嘩左出黎，好多海老！所以成碗湯都好香海老味，配埋豚肉食一流小食叫左雞軟骨棒同煎餃子🥟雞軟骨棒坊間一般都係點生蛋，但依度係京蔥加沙律醬同燒汁，估唔到都咁夾。而煎餃子一口尺寸，皮薄多汁。下次會再想試埋沾麵同其他小食🤤