影片
更多
2023-05-16
20 瀏覽
之前朋友介紹，話佢哋嚟過呢度食午餐，已經覺得好抵食，所以今日特登揀咗嚟食晚餐同朋友慶祝一下生日。今晚除咗嘢食超好食之外，都要特別多謝幾位師傅，全部都幽默風趣增加咗今餐嘅趣味！至於食物方便，基本上全部都超水準地好食，所以講解吓幾款我覺得特別難忘㗎喇漬物有5款，我覺得最特別就係個涼瓜同個葛芋，葛芋其實就係我哋香港俗稱沙葛，我第一次喺日式餐廳咁樣食，不論口感同味道，我覺得都醃製得剛剛好。刺身類有鲛鲽，其實係深海嘅右口魚，白身魚嚟講油份都好充足。日本北海道生蠔超級大隻！切開一半都要分兩啖先食到，好肥美，我特別鐘意個橘子啫喱，更加提升生蠔嘅鮮味。燒左口魚邊身金槍魚腩手捲都好出色，就算嘴巴細細要咬開兩啖都冇問題，因為個魚乾脆好容易咬碎，脆脆嘅口感，加埋creamy嘅魚生蓉個口感就有更豐富嘅層次感。鐵板燒沙巴虎蝦勁好食，本身虎蝦已經夠大隻，啲蝦膏加埋牛油一齊炒個醬汁，配埋爽脆嘅蝦肉，簡直係全餐我最鍾意嘅一樣嘢。香煎鵝肝伴藍莓醬個精粹就係呢個藍莓醬度，壓碎咗藍莓之後再煮到變jam！食到黑松露蟹肉炒飯已經超級飽，但係又真係勁多蟹肉，加埋黑松露，不知不覺又鯨吞左成碗！生日仲有特別待遇架（睇吓兩碗有咩分別）
今晚除咗嘢食超好食之外，都要特別多謝幾位師傅，全部都幽默風趣增加咗今餐嘅趣味！至於食物方便，基本上全部都超水準地好食，所以講解吓幾款我覺得特別難忘㗎喇
漬物有5款，我覺得最特別就係個涼瓜同個葛芋，葛芋其實就係我哋香港俗稱沙葛，我第一次喺日式餐廳咁樣食，不論口感同味道，我覺得都醃製得剛剛好。
刺身類有鲛鲽，其實係深海嘅右口魚，白身魚嚟講油份都好充足。
日本北海道生蠔超級大隻！切開一半都要分兩啖先食到，好肥美，我特別鐘意個橘子啫喱，更加提升生蠔嘅鮮味。
燒左口魚邊身金槍魚腩手捲都好出色，就算嘴巴細細要咬開兩啖都冇問題，因為個魚乾脆好容易咬碎，脆脆嘅口感，加埋creamy嘅魚生蓉個口感就有更豐富嘅層次感。
鐵板燒沙巴虎蝦勁好食，本身虎蝦已經夠大隻，啲蝦膏加埋牛油一齊炒個醬汁，配埋爽脆嘅蝦肉，簡直係全餐我最鍾意嘅一樣嘢。
香煎鵝肝伴藍莓醬個精粹就係呢個藍莓醬度，壓碎咗藍莓之後再煮到變jam！
食到黑松露蟹肉炒飯已經超級飽，但係又真係勁多蟹肉，加埋黑松露，不知不覺又鯨吞左成碗！生日仲有特別待遇架（睇吓兩碗有咩分別）
最好嘅魚湯，我覺得同其他餐廳有好大分別，呢度個魚湯好dense，食得出落咗好多料！另外仲食咗個木瓜蜜瓜，一開始師傅講嘅時候仲以為自己聽錯，我係第一次食呢種水果，十分之清甜，好好食。
張貼
