Glasshouse Greenery (K11 Musea)

營業中

休息中

喺天氣還未「一早一晚還是有雨」的時候，與朋友喺尖沙咀閒逛，想找個地方chill下、傾下計，就搵到呢間位於K11 musea入面的餐廳。餐廳有indoor及outdoor位置，見天氣不算太熱（當時來說XD），所以選擇outdoor座位，雖然係戶外，但座位附近有好大棵植物，可遮擋陽光，感覺不錯。說真的，呢種與朋友只想chill的時候，通常對餐廳的要求不會很高，純粹想有個地方坐得舒適，傾得開心，加上有點飲品小食就已經好好。呢間餐廳完全滿足到我哋要求之餘，而且食物質素亦好高，好開心。我哋點的食物不多，但呢道Grilled Seafood Platter值得推介，一碟入面有好多款海鮮，如三文魚、大蝦、龍蝦尾、青口、大蜆、魷魚等等，而且分量不少，同朋友開心share都好足夠，調味亦好perfect。Fluffy Roti即叫即製的Roti烘得香脆煙韌，絕對稱得上fluffy，加埋旁邊的咖喱醬，讚！美中不足的是，當日茶杯有好多茶漬，雖然飲開茶嘅人表示理解，但下次最好以乾淨的靚靚茶杯上枱，客人會更開心喔。