影片
更多
2022-07-23
96 瀏覽
今日同friend把酒談歡，作為happy Friday應該要好好咁慶祝一下，我哋去咗銅鑼灣一啲樓上鋪嘅西餐廳，呢啲樓上鋪唔似一般大鋪，人情味特別多，就係鍾意佢呢隻風味。另外見到佢可以包房，好啱一班大朋友嚟或者家庭聚會，私隱度好高。講返我哋食嘢先，我哋嗌咗個二人餐，頭盤就加咗$50食個海鮮拼盤，侍應好細心咁介紹每一個海鮮嘅產地，日本嚟嘅蝦好鮮甜，帶子亦都係勁彈牙，不過最驚喜嘅係隻蠔，好似係法國嚟嘅，本身已經好夠海水味，係我鍾意食嘅味道。朋友就揀咗凱撒沙律，係正常發揮。另外嗰餐湯真係不得不提，係雜菌菇配黑松露，本身個湯底已經好滑身再配埋黑松露嘅香味真係為今晚嘅晚餐打開序幕。main course 我哋一人叫一個，可以share食，我就嗌咗鮮蝦蟹肉忌廉汁意粉，首先講個忌廉意粉，佢唔會好膩，一絲絲嘅蟹肉喺入邊，成個忌廉汁包住個意粉係幸福滿寫嘅感覺。另一款就嗌咗肉眼扒，師傅將個熟度拿捏得好準確，切開仲係粉紅色，肉質好鮮嫩，肉味好濃，個餐仲包埋一人一份甜品，拿破崙配愛文芒，拿破崙真係唔知有幾多層不過真係超級脆，配埋好甜嘅愛文芒，最後我哋食埋蜜瓜配菠蘿雪糕，可以清清個口，為今晚嘅晚餐寫上圓滿嘅句號
張貼
