Rempah Noodles

營業中

休息中

每逢午飯時間，呢一間麵店一定大排長龍，就算要排，我都唔介意，因為真係好好味😋正唔正宗我唔敢講亦都唔想亂拋書包，只係好啱我個人口味，我係一個食得濃味嘅人，這碗麵就是我嘅comfort food!每次必點娘惹叻沙🍜和咖央多士🧇，另外呢度係可以加麵，啱哂大胃和小胃嘅朋友一齊食！先講湯底，味道非常濃厚，椰香味🥥十足但不會過多，不會蓋過本身嘅香味和辣勁。配料方面，非常豐富，一碗麵有3隻蝦開邊🦐，豆卜，魚片🐟，雞絲🐔，雞蛋🥚。豆卜係亮點，吸哂叻沙湯嘅精華，非常好食，而蝦肉出奇地新鮮彈牙，再配上我最愛的米線，大滿足！咖央多士🧇係無論幾飽都一定要食。麵包外脆內軟是基本，重點是份量極多嘅斑蘭咖央醬，好似食雪糕咁，超級好食！