Casa Lisboa Gastronomia Portuguesa

營業中

休息中

見到呢間餐廳做六道菜$388，覺得幾吸引，可以試到唔同菜式，兩個人食如果散叫一定叫唔到咁多。啲菜式都唔係好記得叫咩名，詳情可以睇返人哋影嘅餐牌🤣餐包同埋紅菜頭沙律其實冇乜特別，但之後熱嘅食物都好Impressive。牛油白酒蜆個汁好好味，咁啱食剩半舊可以拎嚟點汁。炸馬介休球唔係好似澳門嗰啲咁淨係食薯波，真係食到入邊有好多魚肉，非常新鮮咁炸起好熱辣辣。切到一片片嘅烤豬肉個汁好有特色。，酸酸辣辣，都係我鍾意嘅味道，有個凍嘅蕃茄魚仔味嘅醬可以點，我都幾鍾意嗰個味，不過感覺嗰個味唔係個個鍾意。主菜鴨肉飯好有驚喜，好似一個反轉嘅煲仔飯，脆嘅喺面頭，然後勁多鴨肉每啖飯都有，再加咗啲香腸同臘肉片喺面頭。而葡萄牙乳豬都好出色，同西班牙差唔多我唔識分，但個皮好脆，肉好滑，估唔到我哋影完相之後都仲好熱辣辣，仲諗住影咗咁耐相會凍左淋左。甜品朱古力蛋糕帶啲咖啡味，係任食嘅，食完侍應會問你需唔需要加，不過都有啲比較甜，食兩舊夠晒！white sangria酒味唔濃好甜，適合平常少飲酒，又想試吓。