影片
更多
2024-07-21
445 瀏覽
想清清地食米線，又唔想食連鎖店，嚮網上搵到呢間米線舖幾多人推介，就決定去試試。一入到舖頭就聞到好香嘅藥膳湯味道，好香！舖頭名癡膠雞幾得意，原來招牌菜係花膠雞米線，夠哂貼題。試新舖當然要叫佢哋嘅招牌菜。我同朋友叫左兩款唔同米線試試 - 招牌花膠雞米線&藥膳黃酒花膠雞米線。兩個米線都有爐熱住，店員仲好貼心俾咗兩隻細碗我哋，可以同朋友share試哂兩款口味。先試招牌花膠雞米線，湯底好清甜，好足料，有大大件嘅花膠同雞件，而且雞係用左雞脾，非常嫩滑。之後試藥膳黃酒花膠雞米線，呢個湯底超讚！湯底有當歸、紅棗等藥材，味道香濃，夠晒滋補！飲完個黃酒雞湯成個身都暖哂！ 花膠同雞件都好多，加埋黑木耳同蟲草花，非常足料！叫咗兩個小食，明太子釀雞翼&金磚豆腐，兩款都好好食！金磚豆腐望落係美麗的金黃色，炸得剛好。 食落口feel 倒仲係熱辣辣。 薄脆的外皮，而中間係嫩滑的，食完覺得非常滿足！我第一次嘗試明太子釀雞翼，味道冇讓我失望！ 明太子沙律醬釀在拆左骨的雞翼之中，讓本來已經香口的煎雞翼，添上左一份鹹鮮。呢間餐廳每款食物都味道好好，尤其招牌花膠雞系列米線，性價比超高！夏天食已經覺得好正，冬天天氣凍有火爐䁔住嚟
一入到舖頭就聞到好香嘅藥膳湯味道，好香！舖頭名癡膠雞幾得意，原來招牌菜係花膠雞米線，夠哂貼題。
試新舖當然要叫佢哋嘅招牌菜。我同朋友叫左兩款唔同米線試試 - 招牌花膠雞米線&藥膳黃酒花膠雞米線。兩個米線都有爐熱住，店員仲好貼心俾咗兩隻細碗我哋，可以同朋友share試哂兩款口味。
先試招牌花膠雞米線，湯底好清甜，好足料，有大大件嘅花膠同雞件，而且雞係用左雞脾，非常嫩滑。
之後試藥膳黃酒花膠雞米線，呢個湯底超讚！湯底有當歸、紅棗等藥材，味道香濃，夠晒滋補！飲完個黃酒雞湯成個身都暖哂！ 花膠同雞件都好多，加埋黑木耳同蟲草花，非常足料！
叫咗兩個小食，明太子釀雞翼&金磚豆腐，兩款都好好食！
金磚豆腐望落係美麗的金黃色，炸得剛好。 食落口feel 倒仲係熱辣辣。 薄脆的外皮，而中間係嫩滑的，食完覺得非常滿足！
我第一次嘗試明太子釀雞翼，味道冇讓我失望！ 明太子沙律醬釀在拆左骨的雞翼之中，讓本來已經香口的煎雞翼，添上左一份鹹鮮。
呢間餐廳每款食物都味道好好，尤其招牌花膠雞系列米線，性價比超高！夏天食已經覺得好正，冬天天氣凍有火爐䁔住嚟食米線，諗起都覺得正！呢間米線一定要再encore！
張貼
