濟州燒肉食堂

營業中

休息中

例三做完運動，約老細向德福食飯！食肉獸搵咗間韓式燒肉，就響德福二期food Deli，有牛有豬，任君選擇！😍🥰一坐低就招呼週到～點完菜之後自動自覺上前菜，服務員都係後生仔後生女，態度有禮親切，令人感覺舒適！話時話…佢個辣蘿蔔同泡菜真係好好味！😍👍🏻尤其泡菜，真係有鹹蟹醬嘅香味！！做完運動肚仔餓，老細一口氣叫咗四種肉！-一級五花肉：薄切兩大件，肉質都幾軟熟，完全唔肥！！-濟州黑毛豬肋肉：今日mvp😍👍🏻佢有醃製到嘅～韓式醃料甜甜地，最重要係肉質好鬆軟又入味～鍾意燒得嫩啲又得，燒到外皮朝脆又得，油份唔算太多！-大蔥切牛舌：薄切牛舌非常爽口！不過要懂得拿捏火喉……如果唔係好容易會燒焦～🫣😅-和牛牛五花：係厚切嘅～都幾香牛肉味～如果鍾意有咬口嘅就啱曬啦！！🤭🥰-海鮮煎蔥餅：上面仲有啲蝦同埋淡菜仔，蔬菜嘅份量都幾多，唔會食到好頂肚，煎得幾香口！🥙-黑米冷麵：即係我認知嘅水冷麵，加咗白醋酸酸甜甜，麵質好彈牙，可以解一解燒肉嘅膩～🍜-叫咗2杯梳打：柑橘梳打同埋梅子青檸梳打，主要都係揀啲酸酸甜甜嘅飲品，去中和一下燒肉嘅燥熱同埋油膩感。