維港灣餃子坊 (已結業)

今日提早收工返屋企，係元朗周圍行下搵野食，行過水車館街見到維港灣餃子店內有人係度包手工餃子，於是決定入去食個餃子晚餐。首先，點左呢度既招牌黑松露肉煎餃子，咬落口好有松露味，食得出唔係落黑松露醬，黑松露同入面既肉都好夾。另外，仲點左一份煎韮菜餃，韮菜同肉既份量都好多，而且韮菜好新鮮，食落去好香口。除左煎餃， 我地2個人各自點左一碗餃子湯麵。麵底選擇都有好多，我地最後選左刀削麵。一個麵。餐會再送一碗湯，裡面有埋湯渣，唔會得湯水。小食方面，除左煎餃，我地仲點左蒜泥白肉。見到都嘩左聲，配菜毫不吝嗇，蔥，蒜泥，辣醬都比得好足。豬肉亦都好新鮮，而且份量都唔少，夠2個人食，推介比想試既朋友。店內仲提供菜脯比客人享用。