影片
更多
2023-08-12
126 瀏覽
係上環都感受到嘅西班牙海洋氣息，最啱大熱天時又無得出海嘅我，食完爽到好似游完水咁嘅Brunch set，就係呢間超高質西班牙餐廳 @chueca.hk BRUNCH MENU $588一位連加一🍽Royal Chilled Seafood Platter第一道菜就成艘西班牙軍艦駛埋嚟，原隻波士頓龍蝦、6隻大虎蝦、4隻法國生蠔、吞拿魚牛油果他他，船底鋪滿冰塊用嚟保持4位主角嘅鮮味。先由虎蝦開始食，蝦肉煮得啱啱好唔會縮晒水所以咬落非常之爽口彈牙，味道鮮甜無腥味。🍽生蠔界嘅代表：法國生蠔，食落除咗有海水鮮味，仲有陣陣甜味，入口爽滑，仲準備好檸檬汁、自製醬汁等俾你按喜好配搭食用。🍽然後到波士頓龍蝦，如果上面兩款海鮮已經食到你有如置身大海，咁食埋呢隻龍蝦後更加係成個人沉埋落去，啖啖肉、夠鮮味、帶點甜、仲要多多蝦膏，能夠想像到嘅海鮮鮮味佢都滿足晒，而且無需任何特別煮法。🍽吞拿魚牛油果他他最後係3重口感嘅他他，第一層係鮮甜三文魚肉、第二層淡淡香味嘅牛油果，底層係增強口感嘅脆片，整體味道清新而又開胃。Tapas🍽Chef's Rusa一直都好鍾意食吞拿魚沙律，而佢哋呢個加埋蛋黃醬、脆麵包條、薯仔嘅配搭
BRUNCH MENU $588一位連加一
🍽Royal Chilled Seafood Platter
第一道菜就成艘西班牙軍艦駛埋嚟，原隻波士頓龍蝦、6隻大虎蝦、4隻法國生蠔、吞拿魚牛油果他他，船底鋪滿冰塊用嚟保持4位主角嘅鮮味。
先由虎蝦開始食，蝦肉煮得啱啱好唔會縮晒水所以咬落非常之爽口彈牙，味道鮮甜無腥味。
🍽生蠔界嘅代表：法國生蠔，食落除咗有海水鮮味，仲有陣陣甜味，入口爽滑，仲準備好檸檬汁、自製醬汁等俾你按喜好配搭食用。
🍽然後到波士頓龍蝦，如果上面兩款海鮮已經食到你有如置身大海，咁食埋呢隻龍蝦後更加係成個人沉埋落去，啖啖肉、夠鮮味、帶點甜、仲要多多蝦膏，能夠想像到嘅海鮮鮮味佢都滿足晒，而且無需任何特別煮法。
🍽吞拿魚牛油果他他
最後係3重口感嘅他他，第一層係鮮甜三文魚肉、第二層淡淡香味嘅牛油果，底層係增強口感嘅脆片，整體味道清新而又開胃。
Tapas
🍽Chef's Rusa
一直都好鍾意食吞拿魚沙律，而佢哋呢個加埋蛋黃醬、脆麵包條、薯仔嘅配搭更加係不得了，口感豐富咗之餘，淡味嘅薯仔同蛋黃醬竟然令吞拿魚味道更突出，好味🤤。
🍽Padrón Peppers
西班牙特色小食帕德龍辣椒，面頭灑上海鹽調味，濃厚嘅青椒味加上海鹽嘅鹹，唔辣之餘仲帶有少少甜味。
🍽Croquetas
蘑菇薯蓉配上一片黑松露，入口即爆開嘅黑松露香味，然後到蘑菇香味接力，鍾意食菌嘅一定會非常滿足。
Mains
🍽Prime Beef USDA Rib-eye
主菜揀咗美國prima級肉眼扒(5成熟)，豐富嘅脂肪比例係佢嘅特色，咬落係肥瘦均勻嘅口感，肉質鮮嫩多汁而且外皮仲帶有少少脆，呢塊牛即使身處一大堆海鮮之中，味道依然企得穩。
Sweets
🍰Cheesecake
巴斯克風格芝士蛋糕，燶燶哋係佢嘅特色，仲加入咗甜莓醬做配搭，芝士味道十分濃郁又帶有少少甘甜，甜莓醬豐富咗整體嘅味道但唔會話太甜。
🍧Coconut & Berries
香甜莓果鋪上椰子泡沫，甜而不膩嘅清新口味，簡單而好味嘅甜品。
高質又好味到不得了的餐廳😋
一定會encore!
張貼
