影片
更多
2024-12-20
326 瀏覽
今日中午時間比朋友打電話來問dinner有冇人約，剛好冇wor，佢就提議不如去灣仔食日式居酒屋。一講餐廳名我想起尖沙咀分店，都幾好食，就答應去灣仔meet up。呢到感覺就好像舊式日本居酒屋，好多木嘅元素，店員制服都好有日式feel。呢到店員態度都好好，而且地方比尖沙咀更加大，客人年紀都比尖沙咀大，感覺冇咁嘈，更適合同朋友來聚會傾計。食物就一樣都好好食。一坐低朋友已經推介話要叫神龍純米大吟釀，朋友話飲咗呢一隻好耐，仲更加介紹吓呢一隻大吟釀係係冬季釀造，經過長期低溫發酵，飲完之後我覺得有一陣好獨特嘅果香味，都真係冇介紹錯。嚟到日本餐廳梗係要嗌壽司同埋魚生啦，呢度個魚生拼盤有種唔同種類，全部都好新鮮，擺盤亦都相當靚，用嚟打卡一流，但係我自己其實本身係鍾意食壽司多啲，所以都叫咗一碟，食咗六款唔同嘅壽司，海膽都真係我嘅最愛！朋友見到我咁鍾意海膽，都推薦我叫埋佢哋個炸芝士海膽，又真係另外一番風味，熱辣辣海膽味道更加濃郁，配埋芝士，口感更加實在。串燒方面我指明要蕃茄仔加牛肉，原因好簡單，就係鍾意用上唔同嘅味道同口感，一啖咁食落去，覺得特別正，而且呢度個肉完全唔會韌 ！最後見到餐牌嘅石頭鍋飯都幾吸引
一坐低朋友已經推介話要叫神龍純米大吟釀，朋友話飲咗呢一隻好耐，仲更加介紹吓呢一隻大吟釀係係冬季釀造，經過長期低溫發酵，飲完之後我覺得有一陣好獨特嘅果香味，都真係冇介紹錯。
嚟到日本餐廳梗係要嗌壽司同埋魚生啦，呢度個魚生拼盤有種唔同種類，全部都好新鮮，擺盤亦都相當靚，用嚟打卡一流，但係我自己其實本身係鍾意食壽司多啲，所以都叫咗一碟，食咗六款唔同嘅壽司，海膽都真係我嘅最愛！
朋友見到我咁鍾意海膽，都推薦我叫埋佢哋個炸芝士海膽，又真係另外一番風味，熱辣辣海膽味道更加濃郁，配埋芝士，口感更加實在。
串燒方面我指明要蕃茄仔加牛肉，原因好簡單，就係鍾意用上唔同嘅味道同口感，一啖咁食落去，覺得特別正，而且呢度個肉完全唔會韌 ！
最後見到餐牌嘅石頭鍋飯都幾吸引，於是揀咗泡菜牛肉，上枱之後特登冇即時mix，原因就係想食到飯焦，而最後都真係有呢個效果，加埋本身有啲醬汁，令到普通嘅飯都好飽滿！
後來飲晒支大吟釀之後都覺得未夠喉，於是叫多咗一杯梅酒，呢間嘅梅酒都幾好飲，我覺得一般般女仔都會覺得易入口。
張貼
