醉翁燒鳥 (已結業)

朋友去完日本心掛掛，大呻好想再食日本菜，於是今日就決定去呢間係太子嘅居酒屋解吓「思鄉」之愁。好彩訂左位，去到坐咗冇耐已經滿晒座，見佢咁受歡迎，未食已經知道係好嘢😂😂！佢個座位設計都幾特別，雖然舖仔細細，但係每一台客人都有私隱，每一個卡座出面都有落到布簾，每台都有自己嘅小包廂，裏面仲有鐘仔可以㩒，唔使舉手大叫，一撳個鐘店員即刻就嚟幫手。🔴 足料軟殼蟹沙律醬汁好清新，食落一啲都唔漏，配軟殻蟹啱啱好。麵衣炸到金黃色，厚薄適中，就算掛住打卡，擺咗一陣先食都依然好脆。菜款一啲都唔hea，除咗爽脆生菜之外，仲有羽衣甘藍，再加埋滿滿嘅脆卜卜蟹籽，每一啖都有三重口感！ 🟡 櫻花蝦半熟蛋爆蛋蛋白外面除咗用蝦膠包住之外，仲包多咗一層櫻花蝦。脆脆哋又有功多鹹香嘅櫻花蝦，配埋生熟程度啱啱好嘅流心蛋黃，好想encore多一份。 🔵 雞皮餃子餃子外脆內軟。餡好足料，雞皮又唔肥，如果肉汁再多啲就更加分啦。🟢 鹽釜原隻鮑魚一上枱就見到成座小山丘咁嘅鹽焗外殻，店員黎幫手點火，將成個外殻再燒焦，敲開外殼之後就見到由昆布包住嘅原隻鮑魚。由於淋咗冧酒，鮑魚食落爽口彈牙之外，仲有甜甜哋嘅酒香添。🟤 刺身盛宴四點盛 三切分