竹面譜

營業中

休息中

聽朋友講太子開咗間抵食嘅餐廳，60幾蚊就可以食到和牛🥩，點可以唔過嚟試吓😚✨夢王和牛飯 ·生蛋 （$68）鹿兒島即送A和牛，配上蛋味香濃嘅夢王蛋，賣相吸引令人食指大動😍和牛質地軟淋，用蛋汁撈埋飯再加一塊和牛，淋上少少醬油調味，冇得輸😎✨鮑汁冬菇花膠鍋 ·關廟麵（$68）見隔離啲人都食緊呢個花膠鍋，我哋都決定嗌一個試吓，花膠鍋大概要等10分鐘，花膠有好多塊，冬菇燉到入晒味，值得一提係關廟麵食到最後都keep到口感爽口，睇得出老闆對食材搭配好有心思👍🏻✨郊外油菜 ·腩汁（$15）我哋揀咗菜心，菜心仲會好貼心咁樣幫我哋切開一半，我鍾意食葉嘅部位，好方便🥰✨脆炸鮮奶卷 ·炸墨魚餅（$42）炸物色澤金黃，火候控制適宜。墨魚餅彈牙爽口，好好食🤤最後食埋甜品鮮奶卷，滿足嘅晚餐🥳✨自家製涼茶 新鮮煲製涼茶，好飲又健康，仲有得揀甜度，推薦一試。