影片
更多
2024-03-30
103 瀏覽
豐信長期都勁多人排隊，今次平日晏晝都排左半個鐘先有位，但都值得嘅（當然有得再快啲就更好，應該開咗新店會好啲）椰菜鮮肉拼香菇鮮肉金沙餃：💖💖💖💖.5啲餡食得出有事先調味，即使加左金沙，連埋外面嘅咸蛋黃都唔會過咸。外皮酥脆，煎餃就一定油啲，但對比另外兩間出名嘅餃子店嚟講，已經冇咁油；椰菜鮮肉因為有菜嘅關係冇咁膩，兩款都多餡又多汁，每粒都好大舊。麻辣白菜鮮肉拼芝士粟米鮮肉煎餃：💖💖💖💖麻辣白菜鮮肉微辣唔係好辣，而且係川式嘅麻辣，我諗嗌譚仔10小可能都可以一試。芝士粟米豬肉煎餃嘅芝士味超濃，唔係噱頭，應該有一半都係芝士，加左粟米係入面有好啲（可以加多少少😋），不過都可以同人share，唔係就會易膩，雙拼同嗌7隻都係嗰好選擇。柑桔同青檸蜜：💖💖💖💖柑桔係咸柑桔，咸咸甜甜加上係冰凍嘅，都幾解膩；青檸蜜有少少微酸嘅味道，好解渴。呢兩款飲品都好適合同煎餃一齊食，如果唔想飲汽水都可以一試。招牌秘汁拼盤：💖💖💖💖有滷水雞翼、蛋、牛腱同雞腎，雞翼好滑，全部都唔會話浸到好咸，如果想食濃果啲就點多啲滷水汁，不過我食得唔重口味，覺得原本都夠晒。建議兩個人想食多幾款一定要嗌雙拼同七粒，就會啱啱好！
豐信長期都勁多人排隊，今次平日晏晝都排左半個鐘先有位，但都值得嘅（當然有得再快啲就更好，應該開咗新店會好啲）
椰菜鮮肉拼香菇鮮肉金沙餃：💖💖💖💖.5
啲餡食得出有事先調味，即使加左金沙，連埋外面嘅咸蛋黃都唔會過咸。外皮酥脆，煎餃就一定油啲，但對比另外兩間出名嘅餃子店嚟講，已經冇咁油；椰菜鮮肉因為有菜嘅關係冇咁膩，兩款都多餡又多汁，每粒都好大舊。
麻辣白菜鮮肉拼芝士粟米鮮肉煎餃：💖💖💖💖
麻辣白菜鮮肉微辣唔係好辣，而且係川式嘅麻辣，我諗嗌譚仔10小可能都可以一試。芝士粟米豬肉煎餃嘅芝士味超濃，唔係噱頭，應該有一半都係芝士，加左粟米係入面有好啲（可以加多少少😋），不過都可以同人share，唔係就會易膩，雙拼同嗌7隻都係嗰好選擇。
柑桔同青檸蜜：💖💖💖💖
柑桔係咸柑桔，咸咸甜甜加上係冰凍嘅，都幾解膩；青檸蜜有少少微酸嘅味道，好解渴。呢兩款飲品都好適合同煎餃一齊食，如果唔想飲汽水都可以一試。
招牌秘汁拼盤：💖💖💖💖
有滷水雞翼、蛋、牛腱同雞腎，雞翼好滑，全部都唔會話浸到好咸，如果想食濃果啲就點多啲滷水汁，不過我食得唔重口味，覺得原本都夠晒。
建議兩個人想食多幾款一定要嗌雙拼同七粒，就會啱啱好！
張貼
