去滾

營業中

休息中

火鍋絕對唔係冬天專利！雖然最近天氣回暖咗啲，但阻止唔到我哋「去滾」！銅鑼灣鬧市當中仲有啲咁有特色，成間餐廳裝飾都好有心思，幾有feel！成班朋友嚟食仲可以訂房，低消門檻都唔係特別高，仲有k可以唱。好似我同朋友兩個人食都冇問題，出面仲有個戶外位，可以一覽銅鑼灣風景，幾有feel!特別推薦！🍽️ 鴛鴦湯底甘筍粟米白蘿蔔豬骨湯+秘製沙嗲湯湯底好足料，個湯底名有咩，你就會見到咩，絕對誠意十足。一邊清啲一邊濃味，滿足晒唔同口味。🍽️ 中日混血兒（新鮮街市肥牛、A5崎牛後肩肉柳 安格斯牛柳粒）大推牛柳粒！就算煲耐咗，擺入口一樣好嫩，好好食！🍽️ 肥美桶蠔呢個都一流！隻隻都又肥又鮮，抵食！🍽️ 雜果味爆爆珠仙果凍食飽飽又濟濟地，但點可以錯過甜品呢，同朋友share就啱啱好，生果好甜，啖啖都好解膩！其餘我哋仲叫咗以下呢啲，都十分高質！大家快啲去試下啦！🍽️ 青檸梳打🍽️ 鴨血🍽️ 鮮嫩正菜蔬菜拼盤（油麥菜+皇帝菜+娃娃菜）🍽️ 手打牛肉滑🍽️ 伊府麵