2025年9月15日 星期一今晚難得約到舊同事食飯聚下，當然要搵返間火鍋店一齊烚吓烚吓吹水傾計啦餐廳選擇咗位於銅鑼灣核心地段，大家都方便去到，而且餐廳裝修得好有特色，恍如置身於宮廷之中，連圍裙都整到好似古代嘅肚兜咁，玩味十足餐牌整到好似以前嘅報紙咁幾特別，上面有好多食物同湯底可以選擇，豬牛雞、丸類、蔬菜應有盡有，最後我哋決定每種食物要少少，唔夠食先再叫，以免浪費餐廳有一個位置放滿咗唔同既調味料，可以自己調配專屬醬汁，除咗有一般火鍋店會提供嘅調味料之外，仲有麻辣紅油、辣椒粉同指天椒添，啱晒鍾意食辣嘅人士點完餐等左一陣鴛鴦湯底就首先黎到，一邊係秘製沙爹湯，另一邊係甘筍粟米白蘿蔔豬骨湯，兩邊風味截然不同秘製沙爹湯一入口就有濃郁花生香，微辣帶少少甜，啱晒鍾意重口味嘅人香料層次分明，滲透食材之餘又唔會搶味，食到尾仲有少少回甘添而甘筍粟米白蘿蔔豬骨湯就清甜得嚟又夠暖胃，啲蔬菜煲到出晒味，豬骨湯底飲落滑口唔油膩之後有美國手切牛頸脊，呢碟牛頸脊真係靚到冇得輸，油花分佈得靚靚哋，涮一涮就即刻釋放出濃郁肉香入口柔嫩又唔失咬口，啖啖都係牛脂嘅甘香，唔使點醬都夠味呢個係手打蝦滑，質感彈牙得嚟又唔失鮮味，一啖咬落去有種爆汁嘅感覺，蝦肉味濃而唔腥，口感滑溜得嚟仲帶少少爽脆落鍋涮一涮，啱啱熟就最正，食完有種唔夠喉嘅衝動跟住係手打牛丸，牛丸咬落去夠晒彈性，唔係嗰種機器壓出嚟嘅死實口感，而係有啲筋、有啲肉，啖啖都食得出手工嘅誠意牛味濃郁，涮完之後仲保留住肉汁，咬開仲有少少爆汁感添最後有脆爆苔條響鈴，一咬落去就「咔」一聲，外皮酥脆到癲，裏面包住紫菜香氣，鹹香中帶少少海味，口感層次好豐富唔使落湯，淨食都已經好有風味埋單每人五百幾蚊左右，食到勁滿足！！…查看更多
