影片
更多
2023-05-07
24 瀏覽
天后呢棟新大樓原來隱藏唔少餐廳，今日嚟到頂樓食日式鐵板燒。呢度環境好開揚舒適，望出去係灣仔中環一帶，仲望到尖沙咀對岸景色，呢個view食鐵板燒真係冇得輸～今晚試咗Lobster and Beef Set，$1680/位，主打澳洲龍蝦🦞同宮崎和牛🐮。整體用料新鮮，製法、調味、賣相都好用心👍🏻 師傅們每道菜都會簡介一下食法同食材，間中又會同我地傾下計，用餐嘅體驗都十分愉快☺️☺️ ✿ 季節前菜蕃茄十分鮮甜，灑上特製調味粉更加特顯個甜味😳 熟螢光魷魚口感好軟淋，先試原本嘅鮮味，再點味噌醬試下另一口味。醃製過嘅花螺味道好特別，帶有少少中式味，螺肉都好鮮甜彈牙，唔錯！✿ 季節刺身刺身有2款。拖羅刺身係中至大拖羅嘅部份，油脂非常甘香，食落入口即溶😍 另一款喉黑魚刺身好鮮甜，表面有用火槍輕輕燒過好香！✿ 香蔥拖羅蓉手卷呢個手卷好特別😙 用鱈魚干做底，放上壽司飯、火炙左口魚、拖羅蓉。可以一口放入口食，魚嘅油香配脆片，口感非常豐富👍🏻✿ 北海道帆立貝帆立貝好大隻而且鮮甜，輕輕用鐵板煎香兩邊，配上自家醃製嘅三文魚籽。醬汁用海苔煮成，好鮮味。✿ 鐵板銀鱈魚銀鱈魚煎香咗，魚肉鮮甜結實又唔會乾，好食！✿ 澳洲龍蝦好
今晚試咗Lobster and Beef Set，$1680/位，主打澳洲龍蝦🦞同宮崎和牛🐮。整體用料新鮮，製法、調味、賣相都好用心👍🏻 師傅們每道菜都會簡介一下食法同食材，間中又會同我地傾下計，用餐嘅體驗都十分愉快☺️☺️
✿ 季節前菜
蕃茄十分鮮甜，灑上特製調味粉更加特顯個甜味😳 熟螢光魷魚口感好軟淋，先試原本嘅鮮味，再點味噌醬試下另一口味。醃製過嘅花螺味道好特別，帶有少少中式味，螺肉都好鮮甜彈牙，唔錯！
✿ 季節刺身
刺身有2款。拖羅刺身係中至大拖羅嘅部份，油脂非常甘香，食落入口即溶😍 另一款喉黑魚刺身好鮮甜，表面有用火槍輕輕燒過好香！
✿ 香蔥拖羅蓉手卷
呢個手卷好特別😙 用鱈魚干做底，放上壽司飯、火炙左口魚、拖羅蓉。可以一口放入口食，魚嘅油香配脆片，口感非常豐富👍🏻
✿ 北海道帆立貝
帆立貝好大隻而且鮮甜，輕輕用鐵板煎香兩邊，配上自家醃製嘅三文魚籽。醬汁用海苔煮成，好鮮味。
✿ 鐵板銀鱈魚
銀鱈魚煎香咗，魚肉鮮甜結實又唔會乾，好食！
✿ 澳洲龍蝦
好新鮮嘅龍蝦起咗肉煎香，肉質好爽口彈牙，再用龍蝦膏煮個汁，味道超級濃郁，大推😋😋
✿ 宮崎和牛
和牛分別有厚切、薄燒兩款。厚切呢款煎五成熟，牛肉軟淋入口油脂流晒出嚟🤤 另一個係和牛薄片，中間夾住蔥蒜煎香，另一種風味一樣咁香咁好味！
✿ 香蒜蟹肉炒飯配炒什菜
蟹肉份量都唔少，仲見到一梳梳嘅蟹肉🤭 配香蔥、雞蛋炒得好香，粒粒分明。師傅今日仲特別加咗銀魚仔😋 銀魚仔炸得啱啱好，加落炒飯度非常香口，口感加咗一個層次😍
✿ 季節吸物
依個係海帶、味噌煮嘅魚湯，好鮮味～
✿ 甜品
焦糖多士賣相好靚，師傅好有心機咁將切條嘅多士疊起。下面有紫菜粉同紫花做點綴，點少少紫菜粉食變咗另一種風味，好特別！
另外仲有海鹽雪糕，牛奶味之中有少少咸，好得意～ 抹茶布甸配蕨餅，抹茶味香濃，布甸質地好滑，沾咗黃豆粉嘅黑糖蕨餅煙韌，唔會太甜。
張貼
