影片
更多
2025-03-10
0 瀏覽
一間居酒屋好定唔好，除咗酒同食物質素，環境都係我嘅考量之一。「酒屋一杯喜」以日式簡約木系裝潢為主，有吧枱可以望住師傅整野食同傾下計，人多亦可以坐長枱，吸煙人士可以選擇直接坐室外位置。當晚菜色大部分都係店員推介，有啲仲係daily special！：1. 酢味噌鯛魚 ($198)薄切鯛魚片鋪喺青瓜上面，賣相精緻。魚肉新鮮青瓜爽脆，味道清新得嚟酸酸地，開胃十足，呢道菜調味出色。2. 自家製玉子燒串 (爆蔥吞拿魚蓉) ($48)玉子燒甜度適中，蛋香濃郁，口感鬆軟。上面舖滿吞拿魚蓉，撒上芝麻增添香氣。3. 櫻花蝦菜餅 ($68)炸得香脆唔會過油，蔬菜保留咗原有嘅鮮甜味。最欣賞炸衣薄而脆，入口輕盈。4. 牛肉芫荽卷 ($68)牛肉切得薄而均勻，包住芫荽咁燒非常香口。牛肉略帶焦香，反而芫荽嘅味道唔算好強烈仲口感好「脆」(咬落Shock Shock聲)。5. 免治雞肉棒（柚子胡椒）($68)好鐘意雞肉棒嘅口感，有好多細細嘅軟骨。柚子胡椒嘅味道為雞肉增添一絲清爽感，值得一試。6. 紫蘇豚肉卷 ($58)紫蘇葉嘅清新味道同豚肉嘅油香完美結合，燒得啱啱好。味道唔會過鹹，亦冇搶走紫蘇嘅香氣，係一款令人滿意嘅
一間居酒屋好定唔好，除咗酒同食物質素，環境都係我嘅考量之一。「酒屋一杯喜」以日式簡約木系裝潢為主，有吧枱可以望住師傅整野食同傾下計，人多亦可以坐長枱，吸煙人士可以選擇直接坐室外位置。當晚菜色大部分都係店員推介，有啲仲係daily special！：
1. 酢味噌鯛魚 ($198)
薄切鯛魚片鋪喺青瓜上面，賣相精緻。
魚肉新鮮青瓜爽脆，味道清新得嚟酸酸地，開胃十足，呢道菜調味出色。
2. 自家製玉子燒串 (爆蔥吞拿魚蓉) ($48)
玉子燒甜度適中，蛋香濃郁，口感鬆軟。
上面舖滿吞拿魚蓉，撒上芝麻增添香氣。
3. 櫻花蝦菜餅 ($68)
炸得香脆唔會過油，蔬菜保留咗原有嘅鮮甜味。
最欣賞炸衣薄而脆，入口輕盈。
4. 牛肉芫荽卷 ($68)
牛肉切得薄而均勻，包住芫荽咁燒非常香口。
牛肉略帶焦香，反而芫荽嘅味道唔算好強烈仲口感好「脆」(咬落Shock Shock聲)。
5. 免治雞肉棒（柚子胡椒）($68)
好鐘意雞肉棒嘅口感，有好多細細嘅軟骨。
柚子胡椒嘅味道為雞肉增添一絲清爽感，值得一試。
6. 紫蘇豚肉卷 ($58)
紫蘇葉嘅清新味道同豚肉嘅油香完美結合，燒得啱啱好。
味道唔會過鹹，亦冇搶走紫蘇嘅香氣，係一款令人滿意嘅串燒。
7. 豆腐 ($38)
豆腐外皮微焦，內裡仍然滑嫩有水份，簡單而不失美味。
8. 黑豚沖繩苦瓜炒蛋 ($78)
炒蛋滑嫩，苦瓜薄薄一片又好脆，甘苦味略為突出。
黑豚肉嘅油香出奇地中和咗些少苦味，
整體味道非常調和，帶少少家常風味。
9. 秘の炒飯 ($98)
炒飯粒粒分明，加入適量嘅蔬菜粒同叉燒，口感豐富。
係食完會想講「再來一碗」嘅炒飯。
10. 十勝紅豆年糕 ($48)
呢個甜品滿足咗我年少時睇動漫對日本新年食燒年糕嘅幻想。
年糕外層微焦，內裡煙韌，紅豆蓉唔會太甜，質感細滑，真係食多兩舊都唔會膩。
「酒屋一杯喜」食物質素穩定，見到都有唔少熟客，店員服務態度好好又細心。整體令人感受到用心製作嘅誠意。當中雞肉棒同炒飯味道印象相對深刻，配搭一杯清酒或者啤酒就更加完美！
張貼
