叁不館

營業中

休息中

香港人一年四季都鍾意打邊爐，宜家天氣咁凍更加適合打邊爐啊，今次我哋揀咗天后嘅叁不館。餐廳門口整咗好多霓虹燈，入到去裝修好似城寨賭場一樣，真係好正，好有氣氛，而我食飯張枱仲係一個賭枱，差啲想賭翻兩手先開始食飯丫。我哋嗌咗個卜卜蜆豬骨煲，打邊爐之前首先要飲下個湯，係非常之濃嘅胡椒豬骨，非常好味，呢個湯底已經有好多餸，十分抵！我哋嗌咗好多嘢食，特別推薦鮮蝦雲吞，同埋九菜餃，雲吞同埋非常彈牙，韭菜餃亦都非常實淨。打邊爐最緊要就梗係一碟靚肥牛啦，我哋今次揀咗牛魔王拼盤，好多唔同唔同嘅部位，全部都好新鮮，有牛味好好食。另外我哋仲嗌咗做得唔款式嘅配料，魚皮酥脆香口，點湯或者即食都非常好味。