Restoran SAYA

營業中

休息中

我原本以為大角咀多數都係商場連商場，係啲工商大廈多，但係冇諗過原來佢啲小街都有好多美食，今日就嚟咗呢間聽朋友介紹嘅特色泰國菜餐廳🍴佢哋嘅裝修好東南亞悠閒感覺。伊善炭火燒牛肉牛肉幼滑嫩口一啲都唔靭，有入口即溶嘅感覺，仲有香濃嘅炭燒味，加上秘製嘅醬汁，伴隨着沙律菜。泰式荔枝紅咖喱🍛燒鴨來到泰國餐廳點可以唔嗌個咖喱呢？但係估唔到佢伴隨嘅係燒鴨，所以呢個係必試，鴨肉味香，有一種特殊嘅鮮美味道。微辣香味嘅紅咖喱🍛印度飛餅配咖喱一流，鬆軟香口。芒果熱情果沙冰鮮甜芒果汁加少少酸嘅熱情果味道獨特。薑汁菠蘿沙冰特別介紹，菠蘿酸酸甜甜，撞落少少微辣嘅姜度，口感清新。