影片
更多
2019-12-16
250 瀏覽
之前同朋友難得地約喺太和食飯，先發現原來太和都幾多嘢食可以一試。結果今晚收工再戰太和，去咗一間酒吧餐廳”Noc Noc”食吓嘢吹兩咀。有晒聖誕裝飾，呢啲時候嚟幾有氣氛～🎄先嚟小食方面，叫咗兩款：松露樹皮 $58其實一開始叫果陣唔係好知係咩嘢嚟，見朋友話叫就試吓咁～但食落都幾有驚喜，樹皮好薄好脆，就咁食都已經食唔停口，連埋沙律醬食仲正！炸魷魚圈 $68另一款小食係炸魷魚圈🦑，份量算多，適合多人share食。魷魚唔韌同熱辣辣，但食果陣點多啲醬會好味啲，唔點醬嘅話味道會略為有啲淡。主菜方面：黑松露雜菌天使麵 $118呢款係會令我下次想再食嘅pasta～🤘🏻一送到嚟已經好香黑松露味。天使麵煮得啱啱好有咬口，而且好多汁同雜菌，所以一啲都唔好乾！好味～德國鹹豬手 $198以前食過太多又韌又乾嘅德國鹹豬手。原本有少少擔心會有近似嘅情況，但食落發現鹹豬手皮脆肉雛，豬手皮夾埋甜甜地嘅蜜糖一齊食幾啱我口味，厚薯條我都照點蜜糖唔拎茄醬～飲品方面雖然主打都係酒類，但又見有咖啡飲，今次一於試吓佢☕️:Caramel Cappuccino $42平日叫caramel多數都係落焦糖醬，而呢喥竟然好似焦糖燉蛋咁燒一陣焦
有晒聖誕裝飾，呢啲時候嚟幾有氣氛～🎄
先嚟小食方面，叫咗兩款：
松露樹皮
$58
23 瀏覽
0 讚好
0 留言
松露樹皮 $58
其實一開始叫果陣唔係好知係咩嘢嚟，見朋友話叫就試吓咁～但食落都幾有驚喜，樹皮好薄好脆，就咁食都已經食唔停口，連埋沙律醬食仲正！
炸魷魚圈
$68
24 瀏覽
0 讚好
0 留言
炸魷魚圈 $68
另一款小食係炸魷魚圈🦑，份量算多，適合多人share食。魷魚唔韌同熱辣辣，但食果陣點多啲醬會好味啲，唔點醬嘅話味道會略為有啲淡。
主菜方面：
黑松露雜菌天使麵
$118
28 瀏覽
1 讚好
0 留言
黑松露雜菌天使麵 $118
呢款係會令我下次想再食嘅pasta～🤘🏻一送到嚟已經好香黑松露味。天使麵煮得啱啱好有咬口，而且好多汁同雜菌，所以一啲都唔好乾！好味～
德國鹹豬手
$198
27 瀏覽
0 讚好
0 留言
德國鹹豬手 $198
以前食過太多又韌又乾嘅德國鹹豬手。原本有少少擔心會有近似嘅情況，但食落發現鹹豬手皮脆肉雛，豬手皮夾埋甜甜地嘅蜜糖一齊食幾啱我口味，厚薯條我都照點蜜糖唔拎茄醬～
飲品方面雖然主打都係酒類，但又見有咖啡飲，今次一於試吓佢☕️:
Caramel Cappuccino
$42
14 瀏覽
0 讚好
0 留言
Caramel Cappuccino $42
平日叫caramel多數都係落焦糖醬，而呢喥竟然好似焦糖燉蛋咁燒一陣焦糖係面，唔怕甜嘅我覺得好加分！
Iced Caffè Latte
$38
17 瀏覽
0 讚好
0 留言
最後總結一吓，呢喥食物同咖啡都比預期好。環境偏暗，同場都多人邊食邊飲酒吹吓水咁～
張貼
