雲家小鍋米線 (328廣場)

營業中

休息中

每隔一排就會心掛掛呢間米線🫣 呢間店嘅食物質素同份量都抵食，兩個人食一碗米線再加小食已經好夠飽🍜雲家米線（麻辣小辣） $69麻辣味夠香但唔會太嗆喉。配料方面超豐富，螺旋草同雞絲俾得勁多，撈勻啲肉碎同湯一齊食好入味。螺旋草爽脆，滷水雞翼煮得夠淋。最驚喜係佢嘅特大冬菇，厚肉又多汁，咬落去好滿足。台灣腸同魚肉春卷就正常發揮，不過勝在種類多🍜涼拌墨魚頭（蒜蓉醬）$48每次都必點，墨魚頭爽口彈牙，蒜香十足又唔會太膩🍜麻辣金錢肚 $49金錢肚煮得夠淋，麻辣汁香仲有少少麻感🍜凍奶茶$8甜度適中，飲落夠滑，解辣一流🍜枝裝豆漿$10唔會太甜，飲完唔會覺得滯，幾健康嘅選擇