影片
更多
2024-06-02
32 瀏覽
自從月頭去完日本返嚟，對於日本嘢真係意猶未盡。今晚出去銅鑼灣，都係揀咗日本嘢食。一嚟就整個主角先，海膽和牛燒。除咗海膽之外，其實仲有黑魚子，將啲最鮮最濃郁嘅嘢擺埋一齊，好值得令人期待。佢呢片和牛油脂分布平均，再有一隻蘭王蛋，淨係見到個蛋黃都已經流晒口水。成個過程職員會喺你面前幫你燒，亦都會好體貼佢問你食開幾成熟。我哋呢啲當然係專業人士決定啦，所以職員就幫我哋燒咗五成熟。燒嘅過程，一路摺疊一路逐面燒，再加埋啲秘製嘅壽喜燒汁，然後再將蛋黃撈埋啲飯，最後在鋪埋海膽同魚子就完成啦。一次過滿足三個願望，第一次將呢三樣嘢放埋一齊食，海膽好鮮甜，魚子帶出來輕輕嘅鹹味，再加埋入口即溶嘅和牛，成件事令人好滿足。食日本居酒屋點可以少得燒物，所以今晚叫咗燒牛舌芯。呢個牛舌心不得了，超級腍。最鍾意就係佢個厚切，啖啖肉腍得嚟又爽口。然後見到另外一樣幾特別嘅嘢，就係鰻魚天婦羅，平時好少見到其他地方會有天婦羅鰻魚，佢上到嚟嘅時候都驚呆了我，因為個份量真係好大，佢係完整一條鰻魚嘅份量。食落去個口感比較腍身，但係都係啖啖肉，完全係實現咗鰻魚自由嘅感覺。主食方面，叫咗個大蝦烏冬，除咗主角大蝦之外，仲有滿滿嘅櫻花蝦。佢個烏
一嚟就整個主角先，海膽和牛燒。除咗海膽之外，其實仲有黑魚子，將啲最鮮最濃郁嘅嘢擺埋一齊，好值得令人期待。
佢呢片和牛油脂分布平均，再有一隻蘭王蛋，淨係見到個蛋黃都已經流晒口水。成個過程職員會喺你面前幫你燒，亦都會好體貼佢問你食開幾成熟。我哋呢啲當然係專業人士決定啦，所以職員就幫我哋燒咗五成熟。
燒嘅過程，一路摺疊一路逐面燒，再加埋啲秘製嘅壽喜燒汁，然後再將蛋黃撈埋啲飯，最後在鋪埋海膽同魚子就完成啦。一次過滿足三個願望，第一次將呢三樣嘢放埋一齊食，海膽好鮮甜，魚子帶出來輕輕嘅鹹味，再加埋入口即溶嘅和牛，成件事令人好滿足。
食日本居酒屋點可以少得燒物，所以今晚叫咗燒牛舌芯。呢個牛舌心不得了，超級腍。最鍾意就係佢個厚切，啖啖肉腍得嚟又爽口。
然後見到另外一樣幾特別嘅嘢，就係鰻魚天婦羅，平時好少見到其他地方會有天婦羅鰻魚，佢上到嚟嘅時候都驚呆了我，因為個份量真係好大，佢係完整一條鰻魚嘅份量。
食落去個口感比較腍身，但係都係啖啖肉，完全係實現咗鰻魚自由嘅感覺。
主食方面，叫咗個大蝦烏冬，除咗主角大蝦之外，仲有滿滿嘅櫻花蝦。
佢個烏冬係扁身嘅讚岐手打烏冬，而佢個湯都係濃郁嘅蝦湯，再加埋呢隻超巨型嘅大蝦，簡直係完美嘅配搭。
最後揀咗個燒日本甜薯做甜品，面頭加咗焦糖，令到個口感又脆又軟，有啲似食緊焦糖布甸。
滿足嘅一餐，都好飽肚，最主要比較貴嘅都係個和牛燒，其他嘅都係合理價錢，特別係個燒鰻魚，佢呢個份量簡直係物超所值。
張貼
