影片
更多
2024-12-29
0 瀏覽
呢次試咗一個充滿西班牙風情嘅週末早午餐$338/位 ，餐單結合咗多款地道小食、主菜同甜品，仲可以加錢升級更加精緻嘅選擇。每一道菜都充滿誠意😍頭盤每人可揀4款。我哋兩人試咗8款。Spanish Cold Cuts and Cheese with Crystal Tomato Bread。呢道頭盤係傳統西班牙冷盤組合，火腿、臘腸等冷切肉質鮮嫩鹹香，配合濃郁嘅芝士，味道豐滿。Crystal Tomato Bread非常特別，番茄醬抹喺微烘脆嘅麵包上。Scallop Ceviche, Avocado Mousse, Lemongrass-Vinaigrette，帶子Ceviche非常新鮮，肉質柔嫩，酸辣嘅檸檬草醬汁。Gambas, Garlic-Chilli Prawns，呢道係西班牙Tapas經典菜式，蝦肉鮮甜，蒜香濃郁，辣椒嘅微辣恰到好處。Broken Eggs with Chorizo一個簡單而極具西班牙風味嘅選擇，有炸薯條。 Beef Tartare with Crostini +$38，牛肉他他係調味啱啱好，既保留咗肉香，又帶有少少辛辣同酸味嘅清新感。Barca Hamachi, H
呢次試咗一個充滿西班牙風情嘅週末早午餐$338/位 ，餐單結合咗多款地道小食、主菜同甜品，仲可以加錢升級更加精緻嘅選擇。每一道菜都充滿誠意😍
頭盤每人可揀4款。我哋兩人試咗8款。
Spanish Cold Cuts and Cheese with Crystal Tomato Bread。呢道頭盤係傳統西班牙冷盤組合，火腿、臘腸等冷切肉質鮮嫩鹹香，配合濃郁嘅芝士，味道豐滿。Crystal Tomato Bread非常特別，番茄醬抹喺微烘脆嘅麵包上。
Scallop Ceviche, Avocado Mousse, Lemongrass-Vinaigrette，帶子Ceviche非常新鮮，肉質柔嫩，酸辣嘅檸檬草醬汁。
Gambas, Garlic-Chilli Prawns，呢道係西班牙Tapas經典菜式，蝦肉鮮甜，蒜香濃郁，辣椒嘅微辣恰到好處。
Broken Eggs with Chorizo一個簡單而極具西班牙風味嘅選擇，有炸薯條。
Beef Tartare with Crostini +$38，牛肉他他係調味啱啱好，既保留咗肉香，又帶有少少辛辣同酸味嘅清新感。
Barca Hamachi, Heirloom Tomatoes, Brioche +$48，Hamachi魚肉新鮮細嫩，配上多汁嘅Heirloom番茄，味道清新。
Fresh Fine de Claire Oyster (2pcs) +$78，生蠔非常新鮮，肉質飽滿，海水味濃郁而清甜。
Pan-seared Foie Gras on Buttered Brioche with Fig Jam +$88，鵝肝煎得外脆內滑。
主菜選咗QM招牌嘅燒乳豬，乳豬皮燒得非常香脆，而肉質嫩滑。仲有迷迭香薯仔同濃郁嘅燒汁。
Dry-Aged Wagyu Bavette + $48，牛肉熟度控制得非常好，口感嫩而有嚼勁，帶有濃郁嘅熟成香氣。配埋滑溜嘅薯蓉同香蒜炒菠菜，味道層次豐富，讓人滿意。
最後甜品 揀了Churros with Chocolate Dip。西班牙油條外層炸得香脆，配埋濃郁嘅朱古力醬。
Catalan Cream係西班牙版嘅Crème Brûlée，表層嘅焦糖脆皮同奶油滑溜嘅內層形成完美對比。味道香濃，帶有淡淡嘅柑橘香氣。
張貼
