Y Pasta

之前見某KOL推介諗住過嚟一試，點知佢無book位就基本上無得食，我哋第一次食唔到，今次真係book枱先有得食。去到想試嘅雞翼同手工薯團意粉都賣晒，已經有啲失望。一共叫咗4樣嘢，上菜唔快唔緊要，但竟然可以碟碟上到嚟都係凍嘅/微溫，水牛城雞塊得幾舊仔肉，唔抵食❌炸薯條係凍嘅，個醬勁稀❌個意粉名寫到天花龍鳳，意式豬面肉卡邦尼蛋汁手工戒指意粉（+$25），上菜嚟到我哋呆左，問個店員係咪上錯菜？意式豬面肉=煙肉，勁伏！卡邦尼意粉完全唔好食，小朋友一啖都唔肯食❌烤豬鞍已經算係4樣嘢之中ok⭕️簡單啲講，埋單$700真係好唔值，唔會再去真係唔好亂信KOL推介，伏到爆