影片
更多
2023-06-08
157 瀏覽
好少係香港食東北菜，上星期返東莞食完，今日有啲想再食，見元朗有間評價幾好，就去試下。估唔到平日夜晚黎到都咁多人！好多枱都有叫到扁皮鴨，可惜我自己唔食鴨，男朋友就無得試🤪哩到用電話落單，好方便。我地叫左白菜豬肉餃子、螞蟻上樹、蔥爆牛肉同豆沙鍋餅。我地覺得食得東北菜，必需食餃子，餃子要做得好先對得住東北菜館既名🤪 而佢啲餃子都做得好好，一盤十粒，每粒既足餡又有肉汁。我地都好滿意。自己最鐘意食螞蟻上樹，雖然餐牌寫佢辣，但我哩啲唔太食得辣既都食到，同埋小小碟其實份量好大，壓滿左粉絲同肉粒，好食。蔥爆牛肉啲牛肉份量都好多，洋蔥炒得甜，大蔥都好香。而豆沙鍋餅係男朋友最愛，哩到既鍋餅係脆身面，唔係軟身個種，豆沙餡超多，食完已經超飽。整間東北菜館食物質素高，份量都好大（但當然無東北個啲咁巨型😂），口味配合返香港人多啲。埋單$300有找，已經食到飽👍🏻
好少係香港食東北菜，上星期返東莞食完，今日有啲想再食，見元朗有間評價幾好，就去試下。
估唔到平日夜晚黎到都咁多人！好多枱都有叫到扁皮鴨，可惜我自己唔食鴨，男朋友就無得試🤪
哩到用電話落單，好方便。我地叫左白菜豬肉餃子、螞蟻上樹、蔥爆牛肉同豆沙鍋餅。
我地覺得食得東北菜，必需食餃子，餃子要做得好先對得住東北菜館既名🤪 而佢啲餃子都做得好好，一盤十粒，每粒既足餡又有肉汁。我地都好滿意。
自己最鐘意食螞蟻上樹，雖然餐牌寫佢辣，但我哩啲唔太食得辣既都食到，同埋小小碟其實份量好大，壓滿左粉絲同肉粒，好食。
蔥爆牛肉啲牛肉份量都好多，洋蔥炒得甜，大蔥都好香。
而豆沙鍋餅係男朋友最愛，哩到既鍋餅係脆身面，唔係軟身個種，豆沙餡超多，食完已經超飽。
整間東北菜館食物質素高，份量都好大（但當然無東北個啲咁巨型😂），口味配合返香港人多啲。埋單$300有找，已經食到飽👍🏻
張貼
