影片
更多
2024-09-13
205 瀏覽
《OX Steak Lounge - 大埔》星期一屋企無煮飯，咁就不如帶屋企人出去食晚餐啦😎大埔前排開左間門面好英倫風既扒房，成間野都藍色的，睇落好高貴嘅感覺，次次行過都好想入去望吓，今次一於趁出咗糧請屋企人食餐好嘅💸我同媽咪兩個一人叫咗一個套餐，叫左一個set Dinner $398 同埋Tasting Dinner $598，兩仲套餐都包左前菜、餐湯、麵包、主食同餐飲，而tasting dinner 仲送埋甜品添😆唔好睇少呢兩個餐，份量都幾多下，我同媽咪最後都食唔曬呢💁🏻♀️Set Dinner🔹前菜 - 煙三文魚沙律配蜜糖芥末醬前菜嘅沙律食落好清新，醬汁係味道帶甜嘅蜜糖芥末醬，再配上咸香味十足既煙三文魚片，個人覺得佢用既車厘茄同橄欖都幾爽口，十分開胃🔹麵包 - 自家製牛骨髓牛油包及牛肝菌野菌忌廉湯基本上每款套餐都會包左呢個牛骨髓牛油包，有別於平時食到嘅牛骨髓油香，佢反而似係勁重牛味牛油🧈十分creamy，配上意大利既酸種麵包，連埋一齊可以用黎點餐湯食，香氣撲鼻🤓而個野菌忌廉湯食得出係用上大量菇菌烹調，食到粒粒既菇肉，喜歡磨菇湯的話一定好喜歡呢個湯🔹主菜 - 香煎澳洲PR級草飼肉眼
星期一屋企無煮飯，咁就不如帶屋企人出去食晚餐啦😎大埔前排開左間門面好英倫風既扒房，成間野都藍色的，睇落好高貴嘅感覺，次次行過都好想入去望吓，今次一於趁出咗糧請屋企人食餐好嘅💸我同媽咪兩個一人叫咗一個套餐，叫左一個set Dinner $398 同埋Tasting Dinner $598，兩仲套餐都包左前菜、餐湯、麵包、主食同餐飲，而tasting dinner 仲送埋甜品添😆唔好睇少呢兩個餐，份量都幾多下，我同媽咪最後都食唔曬呢
💁🏻♀️Set Dinner🔹前菜 - 煙三文魚沙律配蜜糖芥末醬
前菜嘅沙律食落好清新，醬汁係味道帶甜嘅蜜糖芥末醬，再配上咸香味十足既煙三文魚片，個人覺得佢用既車厘茄同橄欖都幾爽口，十分開胃🔹麵包 - 自家製牛骨髓牛油包及牛肝菌野菌忌廉湯
基本上每款套餐都會包左呢個牛骨髓牛油包，有別於平時食到嘅牛骨髓油香，佢反而似係勁重牛味牛油🧈十分creamy，配上意大利既酸種麵包，連埋一齊可以用黎點餐湯食，香氣撲鼻🤓而個野菌忌廉湯食得出係用上大量菇菌烹調，食到粒粒既菇肉，喜歡磨菇湯的話一定好喜歡呢個湯🔹主菜 - 香煎澳洲PR級草飼肉眼
媽咪叫左牛扒做主菜，order 左七成熟，食落會相對有質感少少，筋膜位置肉味香濃，配上原個焗香既蒜頭🧄可以用叉撩出啲蒜頭肉再當抹醬咁搽落牛扒度食👍🏻我發現左新食法呢😏💁🏻♀️Tasting Dinner
🔹前菜 - 自家製生牛肉他他
呢個生牛肉他他賣相好靚好吸引，食之前可以將伴碟既鵪鶉蛋撈勻落牛他他入面, 食落口感會更加細滑，牛他他入面應該放左Ｄ甜洋蔥同紅椒，可以點埋黑醋一齊食，口感偏甜，如果可以有餅乾配就好啦，味道一定好合拍🔹麵包 - 自家製牛骨髓牛油包及龍蝦濃湯
個牛油包其實同set dinner 既係一樣的，我就用佢黎點龍蝦湯，Ｄ麵包嗦左湯之後更加濃郁，牛骨髓牛油溶左落個湯度之後連個湯都會多左陣牛肉味，好飲
🔹主菜 - 黑松露鵝肝威靈頓牛柳
坊間食威靈頓牛扒一向都比較貴，呢一度只需惠顧五百幾既Set就可以食得到，性價比算高的。唔好睇佢得拳頭咁大個，其實好有份量的，入面係件好厚既牛柳，夾住左原件肥美既鵝肝，油香十足，酥皮切開左之後黑松露既香氣會慢慢透出，牛柳處理得都好好無滲血水，唯一可以complaint 既係如果把刀再利少少就好啦，相信可以一刀將牛扒切到底，再一啖食到所有食材！推薦！！🔹甜品 - 比利時朱古力心太軟
最後甜品我地揀左心太軟作結尾，即叫即整，所以送到上枱時個心太軟都仲係熱辣辣的，切開有流心效果，食落唔算好甜，可以點埋個草莓醬一齊食解膩，食埋個甜品後呢一餐真係好滿足
張貼
