燚 (已改名) 查看

大埔竟然有間人隱世廚師發板！好開心今日有機會同屋企人去試！餐廳門口裝修別具風格，低調得來非常有性格！想探店嘅朋友按一按門鈴就可以進入。店內抽風系統非常之良好，店內冇油煙味。我哋今日點左個lunch set，十分豐富！有前菜、沙律、湯、海鮮、牛、豬、炒飯、仲配兩大杯麒麟酒！每一味菜式都有心思有誠意！食得又睇得。煙三文魚沙律塊煙三文魚肥厚，第一次食到煙熏味咁重嘅三文魚！鮑魚多士有兩大隻肥美鮑魚！很新鮮彈牙！加上重重的蒜蓉牛油，無得輸！肥美鮮甜的東星班都係重點推介👍🏻呢道嘅服務都係五星級質素！各個員工都好熱誠好客！