燚 (已改名) 查看

之前同朋友嚟過呢間位於大埔美豐花園嘅燚，上次嚟食已經覺得餐廳裝修好有神秘感。嚟到先飲返杯啤酒！頭盤沙律，煙三文魚卷起爽脆野菜，加上泡泡狀醬汁，呢個食法好有新鮮感！呢道芝士Parma ham加菠蘿，味道很有層次，夠曬特色。生蠔肉厚美味，鮮度十足。扇貝燒得好香，入口口感剛好唔會太韌。牛肉配上大量蔥蒜，熱辣辣食非常香口。雞扒煎得好香，配牛油汁最正。味噌湯入面嘅豆腐花非常精緻，好睇又好食。炒飯炒得粒粒分明，飯粒有咬口。甜品係紅酒煮雪梨加上吉士醬，雪梨軟滑入味，又係一大亮點！