麦先

營業中

休息中

家住大坑附近，自從拉麵來關店後，有時口痕都好想食下拉麵，覺得大坑呢個社區欠缺一間拉麵店，所以一聽到大坑有新拉麵店就好開心，就好想試下。但係店舖每日有限定數量，基本上午市1點後賣完就沒有了。今次有備而來，6點鐘剛好就落樓排隊，店內已入了一轉客，前面仲有5-6位客。基本上好似做埋我身後幾位客人就無再收客了，大家留意啦。講返個麵，分量比較少，但香港來講都唔算太貴，我叫了一塊叉燒$78既醬油拉麵。其實加多$20就有多3塊叉燒，都幾抵。糖心蛋亦係俾全蛋。限定小食暫時無提供，唯有下次再試。個麵條唔算太粗，比較啱我個人口感。湯底亦唔算太油膩同咸，味道唔錯。適逢落雨天，排隊同時要餵蚊。舖位屬內街，的確有日本小店感覺。本人都係比較喜歡日本博多豬骨湯口味既拉麵，不過難得住附近我會等熱潮過後再訪，當early dinner食。