百悅軒

營業中

休息中

今晚同朋友去左沙田秦石邨覓食，意外發現呢間隱藏係屋邨既街坊酒樓，一入去就就聞到撲鼻的鑊氣，就好似返返去舊式大牌檔既黃金年代！金銀蒜粉絲蒸元貝一上枱就聞到濃郁蒜香撲鼻，元貝size驚人地厚身，蒸得剛好保持溏心質感，咬落鮮甜爆汁。最正係佢哋嘅「金銀蒜」炸蒜脆口帶焦香，生蒜辛辣提鮮！粉絲鋪底吸盡元貝精華，仲要唔會蒸到過腍，依然保持彈性，索晒啲海鮮汁同蒜油，每一啖都係罪惡又滿足嘅滋味。特別欣賞師傅蒸製時間掌握精準，元貝完全唔老，仲保留住海水嘅鮮味。連平時唔太好蒜味嘅朋友都忍唔住連粉絲清碟啫啫鮑魚雞煲鮑魚厚肉彈牙，咬落鮮甜冇腥味，仲要每粒都掛滿濃稠醬汁。雞件外皮焦脆帶蜜糖色，肉質嫩滑，醬油底混咗啲薑蔥同秘製醬，鹹甜中帶酒香！椒鹽鱔球外層炸得金黃酥脆，咬開卻是肥美鱔肉的嫩滑，椒鹽鹹香中帶微辣，佐酒一流。