影片
港鐵車公廟站 B 出口, 步行約6分鐘
繼續閱讀
電話號碼
31651189
開飯介紹
一間地道的中式料理餐廳，不僅燒鵝、叉燒等明爐燒味廣受歡迎，每日新鮮製作的手工點心亦是人氣之選。不論選擇在此與家庭共渡節日，或是週末與朋友輕鬆聚會均十分適合。
繼續閱讀
營業時間
今日營業
06:00 - 22:00
星期一至日
06:00 - 22:00
**點心供應時間 : 06:00-16:00
*燒味供應時間 : 10:30起
以上資料只供參考, 請與餐廳確認詳情
-
網上訂座服務暫停
2025年6月18日 星期三今晚約咗屋企人一齊去秦石既百悅軒食飯，經過餐廳好多次，不過都未有機會嚟試，今次就可以同埋屋企人一齊嚟，多啲人可以叫多啲嘢食入到餐廳見到都好光猛，而且星期三嚟講客人都有唔少，應該大部份都係街坊嚟，因為見到店員同客人都有講有笑，人情味濃濃餐牌上面都有唔少選擇，而且仲有晚飯優惠，$48就可以有一隻脆皮炸子雞，真係抵到爛，即刻就叫咗，再加埋幾個小菜應該足夠四個人食首先竟然係脆皮炸子雞香脆登場，佢係百悅軒嘅皇牌之一，外皮炸得金黃酥脆，咬落去有種「咔」一聲嘅快感，裏面雞肉仲保持嫩滑多汁一啲都唔油膩嘅微酸喼汁襯得剛剛好，解膩又提味，簡直係炸雞界嘅天花板，性價比非常之高！！之後有八寶冬瓜盅，冬瓜被雕成圓形盅狀，外形精緻典雅，擺盤夠晒大方，裡面藏住八種餡料——有蝦仁、帶子、瑤柱、瘦肉、雞粒、同冬菇等等，啖啖驚喜，每一口都食得出師傅嘅心機冬瓜燉得啱啱好，吸晒餡料嘅鮮味但仲保持瓜肉爽口，入口即化但唔會腍晒成個冬瓜盅上枱熱辣辣，真係啱晒一家人分甘同味，共聚天倫呢個係窩燒燒鵝褔建炒飯，完全係餐廳嘅心思之作，炒飯底用左福建式做法，啲汁略帶濕潤又唔失炒香，包住粒粒分明嘅米飯，令整體口感更加滑順上面鋪滿燒鵝切件，皮脆肉香，鵝味濃郁，食落好有層次，一啖炒飯、一啖鵝肉，簡直係味覺享受！之後有八珍豆腐煲，鍋身仲係熱辣辣，散發住香濃醬汁味煲入面材料夠晒豐富，有炸豆腐吸晒醬汁，外脆內嫩，呢煲餸不但有鑊氣，仲有口感層次，豆腐軟嫩、海鮮爽口、蔬菜清甜，每種食材都發揮自己嘅角色，打邊爐都未必咁精彩！好啱配碗白飯一齊食，保證掃清一碟跟住有XO醬炒腸粉，好典型既地道港式小炒，香口惹味！腸粉炒得夠鑊氣，外層微焦但依然滑溜，咬落去有煙韌口感，完全唔係早餐飲茶嗰種白色腸粉，而係真正「炒得香、食得惹味」嘅港式小炒！最後有蒜香一字骨，骨條炸到外層微脆，肉質依然保持嫩滑，重點係上面嗰層炸蒜蓉，香得嚟又唔苦，咬落去又有啲酥酥口感，完全係靈魂配料！成碟一字骨由於係條狀切法，食落去方便又啖啖肉，香口得嚟完全唔膩埋單$700都唔使，冇諗過咁抵！！
繼續閱讀
百悅軒位於車公廟站對面，靠近沙田，是一家低調的街坊中菜館，但卻提供高質素的美食。餐廳環境舒適，菜品新鮮多樣，特別適合家庭聚餐或好友小聚。此外，店內經常有優惠推介，物超所值，讓每位食客都能享受到美味的同時，體驗實惠的用餐選擇，絕對值得一試！ ❤️炸子雞(半隻)炸子雞的雞皮香脆可口，咬上一口便能感受到外酥內嫩的完美對比。肉質嫩滑，散發著濃郁的雞味，每一口都充滿肉汁，令人回味無窮。半隻只需28蚊，實在非常抵食。 ❤️海蜇燻蹄一道色香味俱全的前菜，海蜇的脆爽搭配燻蹄的鹹香風味，令人垂涎。每一口都能感受到海蜇的清新與熏肉的香氣交織，口感層次分明。這道菜不僅適合佐酒，更是聚會時的熱門選擇。 ❤️椒鹽就魚鬚一道令人驚艷的小吃，炸槳香脆可口，外層酥脆但不油膩，讓人一口接一口。魷魚鬚的肉質彈牙，咬下去有著鮮嫩的口感，搭配椒鹽的香氣，風味獨特，非常高質，十分推介。 ❤️福建炒飯福建炒飯香氣四溢，米飯粒粒分明，搭配新鮮的蝦仁、雞肉粒、冬菇、瑤柱和青蔬等，色彩繽紛，讓人食欲大開。炒飯的調味恰到好處，帶有淡淡的醬油香，口感豐富，既有海鮮的鮮味，又有肉類的香氣，而且份量頗多，適合一班朋友或者家庭分享。 ❤️蒜茸炒菜心菜心鮮嫩，清新可口，色澤翠綠，搭配蒜茸的香氣，炒至恰到好處，保留了蔬菜的鮮甜與脆口。這道菜不油膩，口感清爽，又能增添營養，簡單而令人滿意。 ❤️瑤柱海皇豆腐羹湯品鮮香撲鼻，瑤柱的鮮味與海鮮的精華融入豆腐，湯羹濃郁而不油膩。豆腐滑嫩，口感細膩，搭配海味的鮮甜，讓每一口都充滿滿足感。這道羹品不僅營養豐富，再灑上少許胡椒粉，絕對是暖胃的最佳選擇。
繼續閱讀
無意中發現屋企附近嘅秦石邨有間好抵食嘅酒樓《百悦軒》。餐牌上各款懷舊菜、皇牌推介、煲仔菜、海鮮、明爐燒味、翅/湯/羹，仲有川湘風味菜，包羅萬有，好多選擇。鮑魚海皇豆腐煲~煲仔菜熱辣辣上，材料豐富，足足有四隻鮑魚，新鮮都幾大隻，仲有帶子、蝦仁、魷魚，爽口彈牙，冬菇、炸豆腐及西蘭花，勁正！乳鴿~見到枱枱都有乳鴿，點返隻試下先，新鮮熱辣辣，鴿肉嫩滑好入味，果然不錯。蝦醬通菜炒牛肉~通菜炒得好爽脆，牛肉夠淋，蝦醬味道唔會好鹹，仲有少少薑絲，炒得唔錯。京蔥爆海參~都炒得夠鑊氣，平時好少食炒嘅海參，呢個咬落有啲口感，京葱好惹味。交通方面，屯馬線車公廟站行過嚟都好方便，揸車嘅朋友，消費有免費泊車。
繼續閱讀
百悅軒喺秦石邨商場入面，係街坊推薦嘅心水餐廳，佢哋除咗供應點心外，游水海鮮，馳名燒味外，晚市更推出多項超值優惠😆😆😆😯😯，選擇好多，好抵食！！好適合同家人一齊嚟食餐好嘅😍😍⭐脆皮炸子雞晚市有多款超值優惠，一定要試下招牌炸子雞，金黃嘅雞皮炸得香脆，雞肉滑嫩可口🤩🤩😘，火喉控制得恰到好處⭐龍躉兩味🔆翡翠炒龍躉球食得出係新鮮爽彈嘅龍躉球，龍躉切得厚肉，已經起骨，啖啖肉🉐🉐，食得非常過癮🔆蟲草花蒸龍躉頭腩龍躉頭腩比龍躉球更重魚油香味，蟲草花彈牙，令呢碟餸增加咗層次感，龍躉配蟲草花，第一次食呢個配搭，出嚟嘅效果又幾好喎😀😀😀百悅軒沙田盛田街1號秦石商場地下17A號舖
繼續閱讀
位於沙田秦石商場❣︎百悅軒❣︎係一間食粵菜嘅中菜館，環境舒適，座位闊落，小菜仲即叫即煮😋味道有酒樓級水準👍🏻每晚都有超值🤩晚飯優惠，相當抵食👍🏻難怪深受街坊歡迎，今晚來到全場滿座🥳認真厲害👏🏻❣︎西蘭花炒蝦球帶子❣︎$148大大碟😍配料仲有紅黃椒，望落相當開胃👍🏻西蘭花🥦爽脆，帶子鮮甜，蝦球份量多。❣︎酸菜爐魚片❣︎$58呢個晚飯優惠，真心超值🤩👍🏻爐魚片非常嫩滑，湯頭酸辣味道濃郁，薯粉索晒啲湯汁勁好食😋❣︎脆皮炸大腸❣︎$78擺盤精美，炸大腸外酥內嫩😋szie大小適中，中間仲有菠蘿🍍片比你解膩👍🏻非常貼心。❣︎七味豆腐粒❣︎(小)$38豆腐粒炸得色澤金黃😍入口外脆內嫩，連埋面頭嘅炸蒜一齊食好香口，做餐前小食一流👍🏻❣︎糖水❣︎記得臨尾食埋送嘅糖水先走呀😋我今晚係紅豆🫘沙，紅豆軟腍，甜度適中。
繼續閱讀