更多
2016-05-06
554 瀏覽
<尖沙咀明洞express原來真係好express😳>餐廳採用類似food court嘅形式,揀好嘢食,跟住俾錢,店員會比個會發光嘅牌仔,等到你個餐做好左之後個牌仔就會響,店員就會將你份餐送上。今日熱熱地想食啲凍野,我就叫左碗水冷面,朋友再叫咗碟豬肉炒粉絲,咁通常啲韓國嘢都係細細碟,我哋怕唔夠食再叫咗個芝士海鮮煎餅。點左餐之後唔夠五分鐘,佢就送嘢食黎啦,快過茶餐廳,唔怪之得叫明洞express。蕎藜冷麵 $68,柚子茶 $15冷麵夠煙韌,個湯酸酸地甜甜地,完全同韓國食嘅一模一樣,而且仲好大碗添,配菜有一啲青瓜絲同埋我估係泡菜蘿蔔,外加半隻蛋,大部份都幾出色,係隻蛋熟咗啲啫,可能我鍾意食溫泉蛋啦。豬肉炒粉絲 $68 呢個炒粉絲雖然睇落去普普通通,但係食起上嚟不得了,粉絲煙韌到好似冷面咁,而且好入味,絕對唔係淨係表層有味,係咬到入去都有味。啲豬肉唔知點解一啲都唔老,配埋韓國嗰隻甜甜地嘅醬油味,仲要好大碗添。我哋諗大鑊啦,冇估到呢度份餐咁大碟,完全食唔晒,系呢個時候,個芝士海鮮煎餅就嚟啦。芝士海鮮煎餅 $78韓國人好鍾意乜嘢都加芝士落去,而且佢哋加啲芝士仲要係拉絲嘅嗰一隻,好
點左餐之後唔夠五分鐘,佢就送嘢食黎啦,快過茶餐廳,唔怪之得叫明洞express。
蕎藜冷麵 $68,柚子茶 $15 冷麵夠煙韌,個湯酸酸地甜甜地,完全同韓國食嘅一模一樣,而且仲好大碗添,配菜有一啲青瓜絲同埋我估係泡菜蘿蔔,外加半隻蛋,大部份都幾出色,係隻蛋熟咗啲啫,可能我鍾意食溫泉蛋啦。
豬肉炒粉絲 $68 呢個炒粉絲雖然睇落去普普通通,但係食起上嚟不得了,粉絲煙韌到好似冷面咁,而且好入味,絕對唔係淨係表層有味,係咬到入去都有味。啲豬肉唔知點解一啲都唔老,配埋韓國嗰隻甜甜地嘅醬油味,仲要好大碗添。
我哋諗大鑊啦,冇估到呢度份餐咁大碟,完全食唔晒,系呢個時候,個芝士海鮮煎餅就嚟啦。
芝士海鮮煎餅 $78 韓國人好鍾意乜嘢都加芝士落去,而且佢哋加啲芝士仲要係拉絲嘅嗰一隻,好邪惡但係啱晒我。呢個泡菜煎餅略嫌有少少淋,但係上面層滿滿嘅芝士搭救,加埋裏面用嘅魷魚夠彈牙,都幾好食,但係實在太飽啦,所以我哋一人食咗一片之後,剩低嗰啲就打包返屋企。
如果係兩個女仔,其實一個主菜一個小食已經好夠食,呢度大大份,性價比都幾高,喺物價高昂嘅尖沙咀來講算係唔錯嘅平民選擇。
張貼