明洞Express (已結業)

記得呢次幫襯，係小編第一次接觸🇰🇷韓國食物，因為以前🇰🇷韓食都係比軟少選擇，而且亦比較貴。佢哋用快餐型式去經營，當時係比較少有，因為價錢門檻相對比較低，所以當時決定走入去試一試。當時叫咗一份牛肉石頭鍋飯🥣 (入面除咗牛肉及飯，還有大量蔬菜🥬、蘿蔔絲🥕及芽菜)，配小食(🇰🇷韓國泡菜+薯仔🥔)，個飯食完個鍋都仲係少少熱🔥嘅，小食每款細細份剛剛好，也從此喜歡咗食🇰🇷韓國泡菜😋。

心血來潮想食下韓國野，見呢間明洞express唔太多人，就試一試。平時好多韓國餐廳嘅泡菜都可任食，但呢度就要收錢。不過食韓國野無理由無泡菜，所以都要一小份。點咗個純豆腐湯鍋，一份特級LA牛肋骨，兩個都跟個白飯。豆腐湯入面打咗隻雞蛋，辣辣地，撈飯食好正牛肋骨醃得夠入味，肉煎得好香又唔韌，好食兩個餸都好啱送飯，食得好飽好滿足

想食韓國野，所以黎左尖沙明洞，食過幾次，水準都keep 到，餐廳全部韓國店員，會覺得自己去左韓國甘，呢度的泡菜，泡菜湯都好正宗，夠重味，所以點了很多泡菜的食物，一行3人，每人埋單百幾蚊，非常抵食。

個人黎講真係幾鍾意食韓式辣豆腐鍋，之前試過好多韓國菜既餐廳都偏淡或者得個辣字😔呢間之前已經食過幾次 滑滑豆腐湯（$59連白飯）看起來很辣但其實好香 加埋流心雞蛋，餸飯真係一流架❤️❤️另外海鮮煎餅就冇咩特別😂食落去似中式多過韓式 個人比較推薦泡菜煎餅 都係辣辣地先好食🤔😎

呢間韓食店由佢未轉型至Express已經幫襯, 行經附近諗住食番個海鮮湯麵, 點知餐牌已轉, 無左呢個湯麵LU...........以往係聽住"到餐器"響就自己去取餐, 依加改為由人手送餐!既然無湯麵, 就諗住清清地叫個湯飯!牛肋骨湯飯 ($65) - 牛肋骨湯盛器就好大個, 入面有3舊牛肋骨, 韓式粉絲, 蛋!  白飯另上!原本有嘅泡菜依加無得送, 要食就要自已另外買!湯望落幾清, 飲落都幾有牛味, 但略為油左D, 最好趁熱飲, 凍左應該難入口!牛肋骨肉質偏嚡口, 食左有D痴牙, 一舊仲半痴住肥膏, 湯嘅油份應該由呢到黎!總括黎講, 食物水準大跌WATT, 令人失望!

很喜歡吃韓式辣豆腐鍋，嚐過不少家餐廳但好吃的不多，很多都偏淡，明洞Express是少有讓我滿意的。晚市對面的餐廳更旺場，但這次決定不冒險了，還是去明洞Express。這家餐廳要自己去櫃枱點餐和付款，之後會有侍應送餐。可能是因為快餐形式吧，沒有像一般韓國餐廳那樣奉上泡菜等前菜。用鍋上的純豆腐湯（$59連白飯）新鮮滾熱辣，看起來很辣但其實還好（利申：譚仔最多吃三小辣），豆腐滑溜，加上流心雞蛋，一如既往的美味。晚餐$59不用加一，算抵食。

以前好鐘意黎食，無食2年，諗住過黎食下回味下，點知不知所謂。首先價錢巳經唔係以前咁抵食，叫左個辣年糕炒拉麵，顏色一啲都唔紅，成碟綠色上，椰菜清炒年糕拉麵黎，蛋又無我食緊中菜？ 什至要質疑自己有無叫錯？ 唔記得$68定$78。因為呢碟野而成餐覺得好谷氣。泡菜豆腐鍋味道都叫正常返少少，但乜海鮮都唔會有，咁既會價錢，我去harbour city food court食仲好味過佢，伴碟前菜同湯乜都無，下次過返漢城食好過

私心推介俾大家既係我最鐘意食既餐廳，明洞！唔係講笑食過咁多間韓國餐廳都係簡返呢間明洞餐廳既泡菜湯！本人係一個重口味者，又好鐘意食韓國菜，自從試咗呢個泡菜湯真係愛上咗佢！點解？因為佢入面好多泡菜好多豆腐仲有好多豬肉好多湯好夠味好濃呀！一d都唔誇張，再配埋個白湯，我真係覺得好滿足！如果想既話仲可以加可樂，店舖亦都設有水供客人飲用！好貼心架！特別之一係成間店入面既員工全部都係韓國人，搞到自己真係好似去左韓國咁唯愛泡菜湯推介:明洞express

同朋友係尖咀搵韓式料理食 見到嚟一間店就走左入去試下我叫咗一個牛肉石鍋飯套餐有一碟小前菜 例湯和石鍋飯 而泡菜是另加的前菜是薯仔 個人覺得味道偏淡 沒什麼特別 而例湯味道還不錯 加了黑胡椒感覺挺新鮮 個人不太吃辣 但泡菜的辣度尚可接受 口感爽脆 值得一試到了主菜部份 石鍋飯有豬牛雞三選一 而我選了牛肉 值得一讚的是配菜份量相當足夠 有蘿蔔絲 生菜絲和薯絲 而牛肉也不會很韌 鬆化入味 吃到鍋底的時候 脆卜卜的飯焦亦是石鍋飯的吸引之處 口感鬆脆 附帶少許焦味 非常不錯整體來說 價錢適中 味道上好 性價比一般 喜歡吃韓國菜的朋友可以一試

I order LA galbi and rice. The taste is good. But they don't have any side dishes and extra Kimchi was $5. If the restaurant is very casual shop it makes sense. But my meal was $98. It's not cheaper than the other Korean Restaurant. No service charge. And no water. It's too Hong Kong style even there are some Korean staff.

今日約朋友去TST行下~ 行之前搵間餐廳食,朋友想食韓國野, 所以決定試下食明洞餐廳11點開門。我地約12點去到。都見到已經有3份1枱坐左人。海鮮刀削麵，個湯無咩色，但係好夠味。食得出有胡椒味。唯一美中不足係啲蜆有沙。我起碼放棄左，無食4隻蜆。另外蝦仔同墨魚就正常。辣牛肉粉絲湯朋友話唔係好辣，但係牛肉味可以再重啲。見朋友都食左4份3碗加一碗白飯。應該都幾好味。食食下野，發現已經差不多9成滿要自己去收銀點菜同埋比左錢先。但餐點就會由職員送來。試過後...下次可以試其他餐廳~

點了一份餃子一碗冷面。餃子同百佳frozen餃子一模一樣。冷面都係唔好食。尖沙咀價錢，但質素好差。這是沒有服務的餐廳，款式雖然多但是甚普通。 沒有下次及不會推薦朋友來食。

用open rice apps已經有差不多兩年，從來沒寫過食評, 但今次的午餐真的非常意想不到：1. HKD98 燜牛肋骨肉飯（明洞Express 推介菜） - 賣相及味道同茶餐廳30幾蚊的碟頭飯一樣，重點係一碟又咸又凍既快餐碟頭飯- 碟飯賣相同佢餐牌上的圖片完全不同！明白同相片有些分別也是情理之中，但顔色、材料、食物容器都不相同的情況下，真的令人摸不著頭腦。2）HKD55 豬肉紫菜卷飯- 沒麻油味的韓國卷飯- 飯粒口感像是已經把壽司放在雪櫃一天後而拿出來吃的感覺，有點硬有點缺水總結，不推薦。

又到一星期一次！食勻尖沙咀大行動！今日行遠啲，走到黎天文台道食韓國野！以前都有黎過明洞Express，但起碼有2至3年無食！所以今日又再黎！坐底揀食咩，又係人生交叉點！今日係豬肉飯、辣海鮮麵同辣冷拌麵之爭！最終豬肉飯勝出！點菜後5分內有得拎！好可惜，見到個碗飯個樣，真心大失所望！我只能講，圖文不符！豬肉份量多，但乾身、硬、口感粗鞋！味淡，水汪汪嘅水定醬更加係唔知想點！兩個字:失望！所以最終我只好自己去拎韓式辣醬，為佢調味！反而個跟餐湯幾好飲，有濃濃的胡椒香！菜多！好可惜個主角唔得！下次再去第二間吧！反正尖沙咀韓國餐廳極多！

話說我地好耐無食過明洞，講緊都有一年了，就因為咁當然想去食下啦，之前都成日幫襯，記得抵食水準仲幾穩定今日我同男友黎到12:30pm左右，得小貓三四隻搞咩呢，明明以前好多人食㗎喎?!?環境OK，都坐得舒服嘅因為呢間係韓食快餐，要點左食物付錢先嘅。我地望一望餐牌就點了以下食物雖然足料，但湯底一般，好多味精又辣，始終無以前咁好味值得一提的是前菜竟然要收$5以前都唔洗，泡菜仲要好難食，勁酸吃了兩三塊已經吃唔到了，好彩叫左一碟咋好差，好重味精，成鍋都係洋蔥牛肉又少側邊果碟係芝士雞蛋捲，一樣唔好食，賣相亦唔吸引呢個小食仲要貴過曬主菜$90!!! 愛芝士嘅我，當然覺得一絲絲芝士好正。呢個蛋捲卻令我十分失望，淡而無味覺得係微波爐叮嘅，唔好食兩個人食左$228，咁嘅食物質素，真係唔會再黎總結: 失望嘅韓食，水準下滑得比較厲害，唔知是否轉了廚師呢？人客少除了食物質素低，可能近年韓國餐廳開得多，又多元化，香港人對韓食多了選擇呢