明洞Express (已結業)

這一帶的韓國菜多得令人疑惑，究竟它們如何在激烈的競爭中生存，甚至脫穎而出？在我而言，食物大同小異，要選定一家實在無從入手。每次都是聽別人的推介。同行的友人說以前來過明洞Express，覺得不錯。另有一間高級版的明洞，Express則是價廉物美，方便快捷版。裝潢簡單，的確有快餐的感覺。搶眼的紅色主調有助食慾，座位亦坐得舒服。除了a la carte，還有＄48－＄50的午餐，年糕、飯、麵、鍋，選擇夠多，包飲品，都幾抵食。選好後，到收銀處落單，貫徹快餐的路線。上菜速度亦快。店員捧來大大的鐵盤子，有豆腐鍋、白飯和泡菜。純豆腐湯鍋滾著泡泡、火紅火熱的豆腐湯鍋都幾大份，看似很辣。匙羹放進去，一拿起來是大大隻蛋。狠下心放它弄破，在湯裡拌勻，變成蛋花辣湯。湯實際沒賣相般辣，辣度剛好，夠刺激惹味，但不會辣得要喝水。豆腐極滑，且帶豆香。豆腐和辣湯，是白飯的最配拍檔。湯內的翠玉瓜粒，雖然尚帶清新的瓜香，但對過腍的口感不敢恭維。有調味之效的牛肉碎少少嚡。飯粒圓潤彈牙，即使浸了湯也不會太腍，但欠了韓式白飯的黏。有點可惜，那可是我最欣賞韓國米的地方。辣泡菜煎餅如Pizza Hut的大批的煎餅，份量比想像中大，幸

又想食韓國野 又想食快餐 呢間最適合不過中午有Set Menu講明快餐 當然自助形式購買去收銀處 職員全部韓國人你只可以指menu講佢知你要咩購買後有部bid bid機比你拎野食每一個餐跟一碟前菜薯仔加泡菜泡菜都辣辣地 又開胃特級L.A牛肋骨飯份量比想像中大一倍幾飯係正常碗3碗有多牛肋骨肉身薄 會硬 太較為乾身有青瓜菜作為沙律 甜甜的醬 幾特別黑色係薯仔 甜甜既吾岩食 怪怪的餃子豬肉外脆內軟 味道好食入邊包左九菜 粉絲 豬肉 較為特別豆腐湯湯底係辛辣湯 但不會蓋上豆腐的味道有一隻生蛋 有蜆 配搭幾好海鮮刀削麵來到韓國店有刀削麵挺特別就試試有幾特別麵質彈牙 爽口湯底不會咸 食落吾似味精湯有蜆有魷魚飲品仲有支裝汽水 服務快餐黎講有老闆企門口拉客有bidbid機拎野食 但見到女士拎吾到都會幫手味道衛生速度快餐黎講幾慢 但韓國餐黎講已經快左喇

今日和朋友往明洞express, 我們點了五花腩飯,雞肉飯和凍奶茶, 五花腩飯五花腩好滑, 有油花, 入口即熔；雞肉飯雞肉鮮嫩美味, 又腍, 放在鐵板上好惹味；飯配上羅白菜湯, 羅白清甜和菜新鮮, 湯好入味, 美味的湯； 最後凍奶茶茶味香濃, 好香奶滑味, 餐廳食物好好味, 好高質素, 尤其雞肉飯, 值得一食

上星期本來約了朋友在TST行街,朋友因家事不能出來，既然來到TST了，決定一個人行下TST,已經好耐冇試過一個人行街 ,在THE ONE附近金巴利道行下時候無意見到這間明洞，決定在明洞吃飯，當我坐下之後才發現店員主要說韓語同英語，我在這方面好差,我用平時去旅行看圖識字方法去指給店員看,我叫了雜菜牛肉拌飯(68元)+1支忌廉(10元) ,我等了5分鐘就來到了，這個拌飯的確份量幾多,雜菜有紅蘿蔔/生菜，其實十分健康，雜菜味道都OK,牛肉稍為老咗些小，牛肉的口感有些小鞋,白飯只是微暖，味道整體就一般,地方不是好大,座位亦坐得舒適，服務都幾好,我去埋單用了Google翻譯，店員看得明白，令我覺得Google翻譯好有用呀 ，明洞的價錢並不是太貴，十分扺食味道雜菜牛肉拌飯，雜菜十分新鮮，白飯只是微暖，牛肉稍為老咗些小。味道一般忌廉 ,冇咩特別服務需然語言不通,只要懂得看圖識字同Google翻譯可以幫到我,我冇想過在香港可以遇到呢Ｄ情況環境地方不是好大,座位亦坐得舒適價錢73元,在TST來說已經好平,十分抵食

我點選了石頭鍋既雞肉飯！上台時有大量既菜絲係表面！綠色密密麻麻！還有2碟小食附送~泡菜同蘿蔔！泡菜唔會太辣！都幾開胃！翻開了表層~~終於看到了雞肉！雞肉都算好樕滑~一d都唔乾身！鍋既size夠哂大~所以份量亦好足夠~我諗女士們未必食得哂！之後落左d韓式甜醬，味道層次提升不少！！更為惹味好味~~還有飯焦and蛋，令到味道十分香脆可口！

今日放工去尖沙咀買野, 和友人突然想吃韓國菜, 想起之前食過明洞express, 價錢平, 味道不錯, 今晚再去回味一下先, 去到八點, 人來人往, 好熱鬧呢。這裡是先坐低看餐牌, 再自行在外面order食物, 沒有加一服務費。純豆腐湯鍋 $55 - 除了豆腐鍋外, 還附送一碗飯, 兩款前菜。飯偏硬和實, 豆腐鍋色澤很深很紅, 看似很辣的樣子, 對我來說實際也頗辣呢, 辣中帶甜, 很刺激味蕾, 湯內有一隻半熟蛋, 不會自己變熟, 可能湯的溫度不是太滾, 搗破蛋黃後整個湯香氣四溢, 豆腐超級嫩滑, 數量多, 還有些牛肉來提升鮮味, 這個湯飯很開胃呢。前菜包括薯仔, 味道天然具薯香, 泡菜爽口, 酸辣度適中。熱柚子茶 $15 - 很濃郁的柚子味, 味道純淨, 又不會太甜, 喝到底更可吃掉柚子果肉絲呢。人蔘雞湯(半) $78友人點的人蔘雞湯半隻, 同樣地附送兩個前菜和一碗飯。人蔘雞湯的湯底味道偏咸, 吃到有淡淡蔘味, 雞肉肉質不夠嫩滑, 糯米煲到軟糯溶於湯中一起喝也不錯, 還有原粒蒜粒, 味道不會很強烈, 連湯一起吃掉也可以, 整鍋份量很大, 一個女仔喝不完。

今日lunch走咗去食韓國餐，叫咗個海鮮刀削麵，湯底係海鮮湯好清甜味道岩岩好。刀削麵既麵質彈牙，好多蔬菜係入面，有好多蜆，雖然唔係話好大隻，但係都好鮮甜，又冇沙。魷魚都係得幾塊，煮得夠林，好容易咬開。蝦真係好細粒，可以話真係好難先見得到

尖沙咀有眾多韓菜，不過價格都唔太平，想貧窮地食韓菜，唯有黎呢到食～呢到係自助形式嘅，揀好野食，就行去收銀到落單同俾錢天氣開始轉熱，所以我就揀咗食人參雞湯(半隻)，好似好奇怪 ?其實韓國人最鍾意係炎熱嘅天氣食參雞湯，所謂以熱制熱lol 。呢個人參雞湯仲跟埋韓式泡菜、燉薯仔同白飯，而且價錢唔算太貴，可能因為係半隻雞嘅關係，但係都有唔少嘅雞肉，亦唔會好乾身 。原本人參雞應該會有糯米係入面，由於切開咗變成半隻雞，所以只有少量嘅糯米，略厭少咗彈性嘅口感 。湯底算中規中矩，有微微嘅人參味，而且仲可以搵到枝細細嘅參添 ～食韓式小食，一定少不了嗌個Kimbap紫菜卷飯，入面有醃蘿白、雞蛋絲、紅蘿蔔、蟹柳、牛肉、青瓜同牛蒡絲，相信應該係預先整好，所以啲飯有啲硬，不過味道都算唔錯 由於友人同我都係酒鬼 ，而且呢到啲野都幾平，所以就叫咗檸檬燒酒，原本諗住係平平無奇嘅綠色樽燒酒，估唔到係用壺上 ，燒酒味都幾重，檸檬味就無嘜，建議嗌柚子味會比較好啊~雖然野食都係一般，唔太差，不過勝在價錢真係比同區嘅韓菜平，如果月尾手緊，黎呢到就啱

呢排韓劇又興返，挑起條筋，搞到返工食lunch時我地都想食下韓國野。 尖沙咀有條韓國街我諗無人唔知道，無錯，今次我地就去個頭搵食。呢條街樓上樓下大大小小都有好幾十間韓國餐廳。我地㨂呢間貪佢多選擇，而且抵食夾大件。 燜牛肋骨肉飯牛肋骨肉質嫩滑淋身，紅蘿蔔同白蘿蔔亦同樣燜得入味，用黎配白飯同食係無錯的，因為可以連汁都撈埋，牛肉的精華就係晒入面。牛肋骨份量十足，大隻佬黎都夠食。 辣泡菜煎餅推介， 泡菜夠惹味，中間部份，每啖咬落去都有啖啖泡菜的味道， 條邊煎得好香口，脆卜卜好好味，我一個人食左5件，即係多過半碟呀。 紫菜卷飯用料簡單，但連續食左幾樣濃味野，食返個清清地的卷飯，味覺感到份外清新。 就算隔左兩個幾鐘拎返公司再食都一樣咁好味呀。辣牛肉粉絲湯個湯味道唔錯，辣辣地食落好惹味，粉絲彈牙有咬口，牛肉、大䓤同雞蛋都煮得入味。 兩個人叫咁多野食真係有啲過份，最後個紫菜卷飯要帶走，留返下午茶再食。

成日係尖沙咀唔知食乜，都會去明洞express, 基本上已經成為我既飯堂，因為真係好抵食，又好味，食極都唔厭！餐廳自助形式，自己行去買野食，自己拎野食。老闆係韓國人，唔係好識講中文，要同佢講英文，不過基本溝通已經可。由於我已經食過不只一次，就容許我介紹其中一道菜，就係粉絲飯。以前未食過粉絲飯之前會好奇怪，點解粉絲又飯，而且比炒粉絲都只係貴兩三蚊，明顯粉絲飯係抵啲。見到個碟都已經嚇親，係咪傻架，點食得哂，我覺得係二人份量。原來粉絲同飯可以甘夾！本身好驚啲粉絲好油，但呢個唔會，同埋粉絲係咸，所以撈飯食味道剛好，非常正！

<尖沙咀明洞express原來真係好express😳>餐廳採用類似food court嘅形式，揀好嘢食，跟住俾錢，店員會比個會發光嘅牌仔，等到你個餐做好左之後個牌仔就會響，店員就會將你份餐送上。今日熱熱地想食啲凍野，我就叫左碗水冷面，朋友再叫咗碟豬肉炒粉絲，咁通常啲韓國嘢都係細細碟，我哋怕唔夠食再叫咗個芝士海鮮煎餅。點左餐之後唔夠五分鐘，佢就送嘢食黎啦，快過茶餐廳，唔怪之得叫明洞express。蕎藜冷麵 ＄68，柚子茶 ＄15冷麵夠煙韌，個湯酸酸地甜甜地，完全同韓國食嘅一模一樣，而且仲好大碗添，配菜有一啲青瓜絲同埋我估係泡菜蘿蔔，外加半隻蛋，大部份都幾出色，係隻蛋熟咗啲啫，可能我鍾意食溫泉蛋啦。豬肉炒粉絲 ＄68 呢個炒粉絲雖然睇落去普普通通，但係食起上嚟不得了，粉絲煙韌到好似冷面咁，而且好入味，絕對唔係淨係表層有味，係咬到入去都有味。啲豬肉唔知點解一啲都唔老，配埋韓國嗰隻甜甜地嘅醬油味，仲要好大碗添。我哋諗大鑊啦，冇估到呢度份餐咁大碟，完全食唔晒，系呢個時候，個芝士海鮮煎餅就嚟啦。芝士海鮮煎餅 ＄78韓國人好鍾意乜嘢都加芝士落去，而且佢哋加啲芝士仲要係拉絲嘅嗰一隻，好

香港人平時食飯都冇時間,又心急咩都要快,呢間韓國快餐就岩哂你喇🍴一個字「快！」order左野食,好快就有得食。侍應們唔係香港本土人,所以入去order野食既時候,一係講英文,一係就手指指用手語全自助式既韓式快餐店,斟水,order/拎野食都係好似韓國咁,自己搞掂海鮮炸醬麵🌟HK$70📝好味指數：5.5/10炸醬麵HK$68,我想食埋佢既海鮮都係加多$2,海鮮係多左隻魷魚🐙撈左炸醬後麵既味道適中,唔太濃又唔太淡⋯ ------------------------------ 石頭雜錦飯🌟HK$68📝好味指數：5/10石頭飯有幾款可以揀,包括泡菜,豬,牛,雞,海鮮。而我就揀左牛肉石頭飯。石頭飯有大量既菜同埋一隻生蛋,石頭鍋好夠熱,如果中意食飯焦既朋友,就岩哂喇😉等耐d再搞伴就一定有飯焦食⋯清清淡淡,好健康------------------------------ 紫菜飯卷🌟HK$42呢款飯卷係一道最快拎到既食物,岩哂趕時間快食既朋友,而且呢個set仲跟埋韓國泡菜同薯仔片,不得不讚佢既泡菜好正,好夠辣～ ------------------------------ 人蔘雞湯（半隻）🌟HK$

小小的韓式食店，使用了港式茶餐廳的舊式情懷，食客自行行出去點餐、買單、付款。蕎麥冷麵 害怕辣麵的味道很辣，所以點了這個。大大碗有些冰的冷蕎麥麵，麵條有點彈性，極幼的、黏著一起的麵條，味道微酸，有點醋味；還有點青瓜絲及蘿蔔絲，填補淨麵的空虛；沒提供芥末醬實在可惜。牛肋骨湯 像蛋花湯一樣的湯底，面頭有點蛋花微微咸，湯底下些韓式粉絲；牛肋骨大約有六件八件放在湯內。牛肋肉深色啡肉，肉質軟得來有點彈性，濃香而軟熟，牛肉之佳品。湯底清清的韓式卷飯 較為乾身，外邊紫菜包著蘿白、青瓜及小條肉、魚蛋，進口時可能比較乾，味道尚可。 柚子茶味道很濃，比起其他茶餐廳加十元八元的濃得多，但茶內又不太多柚子碎屑，冰的沒那麼甜，味道剛好，潤喉下火。韓食快餐店 店子轉位後其實小了，但好像人還多了，光亮而新簇。在附近的韓式食店，求其「叫雞」、「叫牛」，碟碟都百多二百，明洞還是以昔日讀書年代的五六十元價錢，果真划算。

記得係韓國野未咁大行其道之前, 呢間餐廳已經有經營, 所以今次番黎encore, 睇下有冇咩唔同左, 但果然都keep到!叫左份水冷麵, 炒粉絲同豬肉紫菜卷, 水冷麵實在太好味啦, 好想再encore, 因為係辣水冷麵, 所以味道冇一般水冷麵咁孤寡, 食落係有D辣不過唔會食唔到落口, 而且D麵又岩岩好, 真係正! 另外炒粉絲都有surprise, 因為平時都食到過一係炒得好lum, 一係太乾既炒粉絲, 但幸好呢間炒既隨左味道岩岩好唔在講, 最鍾意佢岩岩好有少少汁之餘D炒粉絲唔會lum到一pat野咁! 長開至此, 係有D原因既~!

好耐都未食過石頭鍋飯，今日一個人走在尖咀，唔知食咩好，身邊又冇朋友可以問。突然，個腦袋出現石頭鍋飯！所以就突登走黎呢條韓國街，揀左呢間明洞快餐試試。牛肉石頭鍋飯一上黎，青綠色新鮮的椰菜隨即惹我注目！之後我加上韓式辣醬，顏色更別注！牛肉石頭鍋飯味道尚可，加了一點辣醬味道更惹味！但牛肉略為過熟，食落不夠牛味。而飯焦好好食，香脆可口。若果大家想食個靚快餐，不妨可以黎試下！