元気寿司 (已搬遷) 新店位置

每次有時間，#小秘書 都會心思思去 #元氣 食個 #下午茶餐，加上近排比較得閒，呢日我又來開餐喇！因為上晝嗰餐都未食， 所以一於叫得豐富啲， #壽司🍣 加 #魚生刺身、#蒸蛋、#炸蝦丸，再加一個 #三文魚手卷，睇落已經口水流🤤 而 #小秘書 每次必食嘅 #蒸蛋， 師傅加重料，放咗兩粒 #帶子 喺裏面... 正！新出嘅 #炸蝦丸，似乎口感硬咗啲😅 好在其他 #壽司 都唔錯，#三文魚刺身 都好肥美呀😍可能呢排個個都驚咗出街，人流少咗我反而仲放心🤪 不過幫我落單嘅阿姐似乎太過熱情，又或者戴咗口罩聽唔清楚我講咩嘢啦... 不過非常時期，大家都係距離遠少少好啲喇😉