La Paloma

營業中

休息中

朋友向我推介西營盤一間好有質素的西班牙餐廳，於是我就去試試。餐廳幾有格調，很有氣氛，人氣都好旺，當晚都是坐無虛設。伊比利亞橡木果餵飼黑毛豬火腿配蕃茄包，黑毛豬有濃郁香味，不太鹹，不乾柴，口感相當好，配上脆脆的蕃茄包，真係幾好味。牛肉他他配脆多士，牛肉他他相當軟滑，味道調得不錯，配上脆多士，滿滿甘香。鮮嫩八爪魚配薯仔，八爪魚細細塊，好精緻，入口果然很嫩滑，與一般八爪魚完全兩碼事，加上煮軟了的薯仔更好味，相當夾。西班牙風味三文治配芝士，味道幾獨特，好香脆，芝士味相當濃厚，但不會感到膩口，還有淡淡的黑松露的香味。牛頰肉配薯蓉，慢煮的牛頰肉超軟滑，口感好好，味道香濃，濃汁調得好好味，提升牛肉的口感，令人回味。西班牙海鮮炒飯，以大大隻的平底鍋上枱，很有特色，熱辣辣，金黃色的飯粒，帶著微微的焦香，煙煙韌韌，因用大平底鍋煮，熱度相當均勻，帶有淡淡的薑黃味，十分美味。傳統西班牙炸脆條配朱古力醬及雲呢拿雪糕，好鬆脆，不會硬，加上朱古力醬更好味，朱古力夠濃郁，但不太甜，配雪糕食亦好味，又凍又熱幾有趣，這是一道不錯的餐後甜點。