影片
更多
2023-11-03
1491 瀏覽
太子呢個老區，除左唐樓之外，最多就係食肆。今日出開太子果頭買啲野，買完之後想係附近食碗麵做午餐。 行下行下見到呢間十大碗粥麵專家 ，叫得自己專家，門面又幾靚，裝修都好新，緊係要入去會一會佢。 佢主餐牌都有好多野選擇，粥、粉、麵、飯、腸粉，通通都有。想經濟實惠有午餐，晏啲入黎又有下午茶。落order係用QR code，又快又方便。佢仲有漬蘿蔔任食。 午餐-撈麵套餐 ($55) 一個套餐有一碗撈麵配雲吞或炸魚片頭。今日我就叫左柱侯牛腩撈粗+雲吞(三粒)+一罐無糖可樂。 柱侯牛腩撈粗 - 牛腩好有驚喜，唔單止份量唔少，食落仲好淋，連牛筋都入口即溶。麵底中規中舉。 雲吞(三粒) - 雲吞大大粒，入面有好大隻原隻鮮蝦。湯底充滿大地魚味。 唯一可惜係配料係選擇唔多，多三款。 不過係老區入面食到一間新餐廳，真係別有一番風味。
行下行下見到呢間十大碗粥麵專家 ，叫得自己專家，門面又幾靚，裝修都好新，緊係要入去會一會佢。
佢主餐牌都有好多野選擇，粥、粉、麵、飯、腸粉，通通都有。想經濟實惠有午餐，晏啲入黎又有下午茶。落order係用QR code，又快又方便。佢仲有漬蘿蔔任食。
午餐-撈麵套餐 ($55)
一個套餐有一碗撈麵配雲吞或炸魚片頭。今日我就叫左柱侯牛腩撈粗+雲吞(三粒)+一罐無糖可樂。
柱侯牛腩撈粗 - 牛腩好有驚喜，唔單止份量唔少，食落仲好淋，連牛筋都入口即溶。麵底中規中舉。
雲吞(三粒) - 雲吞大大粒，入面有好大隻原隻鮮蝦。湯底充滿大地魚味。
唯一可惜係配料係選擇唔多，多三款。 不過係老區入面食到一間新餐廳，真係別有一番風味。
張貼
