影片
更多
2023-03-05
383 瀏覽
泰斗🍽️-▫️設有露天座位▫️超有東南亞feel，有格調餐廳▫️適合朋友/情侶聚餐-餐廳menu同餐具都好靚，好有泰國特色，餐廳比較多菜式係帶有海鮮。-🔹木瓜沙律（蝦） $138有蝦/魷魚/青口揀，我同朋友都揀咗款比較夾嘅蝦，每隻蝦都好新鮮好大隻爽口彈牙，木瓜沙律酸酸辣辣好開胃，而且木瓜絲好爽脆，係一道唔錯嘅開胃菜👍🏻好味：4/5😋-🔹馬莎文咖喱牛坑腩配薄餅 $188呢道菜又係熱門嘅，幾乎每枱都有order，咖喱食落偏甜但帶有小小辣，沾埋薄餅食一流🤤而且牛坑腩好淰，唔韌，會想一塊一塊薄餅接着食好味：5/5😋-🔹串燒雞 + 泰式炒椰菜苗串燒正常，配嘅係偏甜味嘅沙嗲醬，整體不錯。泰式炒椰菜苗係十分有鑊氣😍炒得好好食，但係就稍為太辣，一邊食要一邊飲嘢解辣。好味：4/5😋-食泰國嘢點可以唔飲椰青，呢個夠凍夠清甜，椰肉都好軟熟唔係硬曬好難刮嚟食嗰種。-整體嚟講，絕對會二訪呢間餐廳，下次要約多幾個朋友試多幾款菜🤤每道菜都好食，好似去咗泰國咁！不過當日食食下突然間話廚房有啲事會延誤上菜，中途隔離枱又倒瀉飲品，好多突發嘢發生，但係都無阻我同朋友慢慢享受🥰下次再試下唔同菜式🤩鍾意食泰國菜嘅朋友仔又多一個選擇🤭
-
▫️設有露天座位
▫️超有東南亞feel，有格調餐廳
▫️適合朋友/情侶聚餐
-
餐廳menu同餐具都好靚，好有泰國特色，餐廳比較多菜式係帶有海鮮。
-
🔹木瓜沙律（蝦） $138
有蝦/魷魚/青口揀，我同朋友都揀咗款比較夾嘅蝦，每隻蝦都好新鮮好大隻爽口彈牙，木瓜沙律酸酸辣辣好開胃，而且木瓜絲好爽脆，係一道唔錯嘅開胃菜👍🏻
好味：4/5😋
-
🔹馬莎文咖喱牛坑腩配薄餅 $188
呢道菜又係熱門嘅，幾乎每枱都有order，咖喱食落偏甜但帶有小小辣，沾埋薄餅食一流🤤而且牛坑腩好淰，唔韌，會想一塊一塊薄餅接着食
好味：5/5😋
-
🔹串燒雞 + 泰式炒椰菜苗
串燒正常，配嘅係偏甜味嘅沙嗲醬，整體不錯。
泰式炒椰菜苗係十分有鑊氣😍炒得好好食，但係就稍為太辣，一邊食要一邊飲嘢解辣。
好味：4/5😋
-
食泰國嘢點可以唔飲椰青，呢個夠凍夠清甜，椰肉都好軟熟唔係硬曬好難刮嚟食嗰種。
-
整體嚟講，絕對會二訪呢間餐廳，下次要約多幾個朋友試多幾款菜🤤每道菜都好食，好似去咗泰國咁！不過當日食食下突然間話廚房有啲事會延誤上菜，中途隔離枱又倒瀉飲品，好多突發嘢發生，但係都無阻我同朋友慢慢享受🥰下次再試下唔同菜式🤩
鍾意食泰國菜嘅朋友仔又多一個選擇🤭
張貼
