壹.01

營業中

休息中

前幾日又去咗觀塘嗰度做義工，活動完咗個朋友話喺附近食少少嘢先返屋企，搵咗間台灣嘢食，叫左滷肉便當同埋椒蔥牛肉便當（轉粉絲），自己覺得粉絲底濕濕辣辣咁，就咁當麵食唔錯。我個朋友滷肉飯佢話冇香料味，同埋唔會好多肥膏肥油，所以幾似homemade～炸花雕雞翼，出面好少係炸，睇色水幾靚仔，d油應該係新油。花雕味極重，好入味，食唔慣可能會覺得苦，不過我就幾ok。整體唔熱氣。小食拼盤，花枝丸最好味。基本上都係認知嘅果仲味道，無咩落差。如果鹽酥雞裏面juicy D會再好味D，不過都係可接受範圍。胚芽芋頭鮮奶個賣相幾吸引。建議攪均左先，如果唔係去到後面就得翻芋頭，飲落唔會死甜，芋頭有口感，幾fresh。