Still

營業中

休息中

位於土瓜灣啟岸巷子的「Still」係間主打西班牙fusion菜嘅餐廳，環境裝潢走橙白木色調，感覺溫馨有格調，啱晒情侶或閨蜜聚餐。今晚點了2人套餐份量啱啱好，頭盤西班牙蒜片蝦用料新鮮，蒜香濃郁，蝦肉彈牙，食落開胃。香煎海鱸魚外脆內嫩，魚味鮮甜，配菜亦有心思。香煎慢煮八爪魚煙韌唔鞋，配上特製醬汁更添層次。主菜澳洲M6肉眼蓋肉質嫩滑，油花分布平均，燒香味十足，牛味濃郁。飲品選了西班牙鮮果特飲及紅石榴熱情果特飲，味道充滿果香。甜品焦糖蘋果金寶配雲呢拿雪糕，甜而不膩，蘋果香同雪糕滑溜，好滿足。