影片
更多
2023-06-10
132 瀏覽
近期牛舌大熱，開咗唔少以牛舌做主題嘅餐廳🔥而呢間就主打日式牛舌定食，去唔到日本食利久都可以嚟呢度止下癮先🤩餐廳以居酒屋風格裝修🍶除咗燒牛舌定食之外，亦都有其他日式定食、串燒、小食供應。鹽燒白鱔 $58今晚咁啱有新鮮嘅燒白鱔🐟一串有兩大件鱔肉，呢個絕對係牛舌以外另一個必嗌之選，一嚟到已經見到非常厚肉，好吸引😍咬落去絕對會俾佢驚艷到，完全體現到皮脆肉嫩嘅口感，難得食到冇落重手咗鹽嘅日式串燒😋調味剛剛好，鱔肉油脂豐富，完全冇骨，一啖咬落去真係非常滿足🤤極上牛舌定食 $178嚟到就梗係要叫最招牌嘅燒牛舌，呢個係一倍份量，大概有五件（可能最尾嗰塊切得冇咁厚嘅關係，所以比多咗一小件😝），牛舌都算切得幾厚（雖然厚度未必好一致，但係個人覺得佢嘅口感已經滿足到我），牛舌芯中間呈粉嫩嘅顏色🐮覺得餐廳有吸收過網上嘅意見，今日呢份唔怕燒得好燶，一咬落去油脂同牛香即刻爆晒出嚟😈而且質感爽彈，絕對係一份高質嘅燒牛舌🤤旁邊亦有附上山葵、檸檬、同埋醃牛蒡，可以食到多啲味道上嘅變化，我就最鍾意擠啲檸檬汁再點醬油🍋可以解一解膩，個人覺得因為牛舌都係啲重油脂嘅食物，所以一倍份量已經好足夠🙈定食仲有包埋沙律、涼拌海蜇、茶碗蒸
餐廳以居酒屋風格裝修🍶除咗燒牛舌定食之外，亦都有其他日式定食、串燒、小食供應。
鹽燒白鱔 $58
今晚咁啱有新鮮嘅燒白鱔🐟一串有兩大件鱔肉，呢個絕對係牛舌以外另一個必嗌之選，一嚟到已經見到非常厚肉，好吸引😍咬落去絕對會俾佢驚艷到，完全體現到皮脆肉嫩嘅口感，難得食到冇落重手咗鹽嘅日式串燒😋調味剛剛好，鱔肉油脂豐富，完全冇骨，一啖咬落去真係非常滿足🤤
極上牛舌定食 $178
嚟到就梗係要叫最招牌嘅燒牛舌，呢個係一倍份量，大概有五件（可能最尾嗰塊切得冇咁厚嘅關係，所以比多咗一小件😝），牛舌都算切得幾厚（雖然厚度未必好一致，但係個人覺得佢嘅口感已經滿足到我），牛舌芯中間呈粉嫩嘅顏色🐮覺得餐廳有吸收過網上嘅意見，今日呢份唔怕燒得好燶，一咬落去油脂同牛香即刻爆晒出嚟😈而且質感爽彈，絕對係一份高質嘅燒牛舌🤤旁邊亦有附上山葵、檸檬、同埋醃牛蒡，可以食到多啲味道上嘅變化，我就最鍾意擠啲檸檬汁再點醬油🍋可以解一解膩，個人覺得因為牛舌都係啲重油脂嘅食物，所以一倍份量已經好足夠🙈
定食仲有包埋沙律、涼拌海蜇、茶碗蒸同麵豉湯，可以喺食牛舌中間食返啲清爽啲嘅嘢間一間場🥬特別要highlight佢個麵豉湯，好難得可以飲到啲唔會過咸嘅麵豉湯🤩另一樣嘅欣賞嘅位係食完之後餐廳會比一杯檸檬水（勁重檸檬嗰隻），等食完覺得冇咁大負擔😗雖然一開始見到將近$200一份定食都唔算平，但係比較返其實台北食呢種牛舌都要差唔多/高過呢個價位，以呢間嘅質素嚟講都值得過嚟解下癮😎
極上牛舌定食
14 瀏覽
0 讚好
0 留言
極上牛舌定食
12 瀏覽
0 讚好
0 留言
極上牛舌定食
11 瀏覽
0 讚好
0 留言
鹽燒白鱔
7 瀏覽
0 讚好
0 留言
張貼
