阿木台灣麵 (豉油街) (已搬遷) 新店位置

之前介紹過阿木台灣生活百貨，搜羅好多台灣地道嘅食品雜貨，係幾街之隔仲有間阿木台灣麵，夠地道平民嘅菜式令到呢間小店人氣非常旺盛🔥係下午3點幾依然好爆場要攞飛等位。呢度有牛肉麵、拌麵、蛋餅、炸物等經典台灣美食，係門口仲有得買啲雜貨零食返屋企。嚟緊端午節就到（2023時間過得咁快🤣🤣），呢度仲有得預訂台灣特色嘅北部粽、南部粽同客家粿粽，15／4前預訂有早鳥優惠，試下台灣版嘅端午粽都幾好喎😆😆麻辣肉燥拌麵麵條非常掛汁，肉燥好香😻辣度不高但麻香十足，鍾意麻嘅人一定啱😛😛肉粒偏大粒，肉質頗腍。整體都幾好食😋😋芝士玉米蛋餅40幾蚊嚟講份量都幾大👍🏻👍🏻蛋餅皮軟熟，入面有滿滿芝士，芝士味香濃，加埋粟米🌽好有咬口。芝士岩鹽奶蓋炭燒烏龍茶－加仙草呢度飲品餐牌選擇都幾多，好多出面台式飲品店有嘅呢度都有。芝士奶蓋厚厚一層😍好creamy，底下炭燒烏龍味道好香，仙草份量十足，好滑溜😙😙人均消費：$130推介指數（10分為滿分）：8分