影片
更多
2022-08-04
871 瀏覽
呢間鮨燐係由立師傅和峰師傅打理，唔單止尖沙咀仲有上環都有分店。值得一提，立師傅係超級出名日本師傅見城俊二的入門徒弟，所以大家可以估到基本功係幾咁紮實。峰師傅都非常有經驗同埋相當好傾，每一道菜都詳盡地介紹材料的源地和資訊。而且，佢哋嘅店員勁好禮貌，整個用餐體驗基本上真係無乜可以挑剔。-鮨燐主打就係江户前壽司，非常注重食材本身嘅鮮味，調味唔會話好濃味簡約為主，保留大家可以食到食材嘅原汁原味。快啲拉落去睇下晚餐$1880的廚師發辦套餐嘅食評（7款刺身、2款和食、六款壽司、頭盤、麵豉湯和甜品）-A) 頭盤1) 沖繩水雲配靜岡縣番茄：水雲口感黏黏滑滑，配清甜嘅岡縣番茄，簡單配搭足以令胃口大開。2) 黑梅貝：肉質彈牙爽口3) 金絲瓜配秋葵和三文魚子: 麵狀金絲瓜的肉配上三文魚子的鮮味，相當清新好味。-B) 刺身1) 石垣鯛和鮫鰈: 魚肉呈淡淡紅色，肉質柔韌含豐富油脂，師傅輕輕炙燒魚身入口即化。2) 北海道昆布森海域蠔: 肥美入口順滑，用左土佐醋啫喱做配搭，小編400磅都願意。3北海道羅臼市)鰤魚: 師傅用三升麵豉調味上腩的部分，魚腩用柚子胡椒balance油脂，真係無乜可以挑剔完美。4) 東京灣太
-
鮨燐主打就係江户前壽司，非常注重食材本身嘅鮮味，調味唔會話好濃味簡約為主，保留大家可以食到食材嘅原汁原味。快啲拉落去睇下晚餐$1880的廚師發辦套餐嘅食評（7款刺身、2款和食、六款壽司、頭盤、麵豉湯和甜品）
-
A) 頭盤
1) 沖繩水雲配靜岡縣番茄：水雲口感黏黏滑滑，配清甜嘅岡縣番茄，簡單配搭足以令胃口大開。
2) 黑梅貝：肉質彈牙爽口
3) 金絲瓜配秋葵和三文魚子: 麵狀金絲瓜的肉配上三文魚子的鮮味，相當清新好味。
-
B) 刺身
1) 石垣鯛和鮫鰈: 魚肉呈淡淡紅色，肉質柔韌含豐富油脂，師傅輕輕炙燒魚身入口即化。
2) 北海道昆布森海域蠔: 肥美入口順滑，用左土佐醋啫喱做配搭，小編400磅都願意。
3北海道羅臼市)鰤魚: 師傅用三升麵豉調味上腩的部分，魚腩用柚子胡椒balance油脂，真係無乜可以挑剔完美。
4) 東京灣太刀魚: 油脂份量高，表面經過炙燒之後魚油逼晒出嚟，加埋脆脆芝麻別有一番風味
5) 北海道毛蟹:肉質特別柔嫩鮮甜，小編真係意猶未盡。
6) 境港縣鳥取市拖羅: 中拖羅配搭竹炭鹽和紫蘇葉食，齒頰留香。大拖羅經炙燒後魚油出晒嚟，包住脆脆紫菜一齊吃，好味到離晒譜。
7) 千葉縣赤鮑魚: 師傅細心用清酒蒸煮四小時，依然肉質煙韌，上白蘿蔔和鮑魚肝醬，如果可以小編真係可以舔埋隻碟。
-
和食
1) 日本鱈場蟹配京都豆乳: 濃郁大豆配上絲絲蟹肉，豆乳入口滑溜但同時食到蟹肉鮮甜。
2) 炸甘鯛配賀茂茄子: 油炸甘鯛外脆內多汁，可見師傅控制火候技巧幾高超。
-
C) 壽司
1) 深海池魚: 池魚味道甜美，肉質非常細緻柔軟。
2) 北海道帆立貝: 肥厚鮮甜，師傅簡單用橘子汁就足以凸顯帆立貝嘅原味。
3) 富山灣白蝦: 晶瑩剔透，以竹炭鹽和柚子汁增加層次感。
4) 口岸灣馬糞海膽: 濃厚甘甜的海膽瞬間係口腔爆發，意猶未盡。
5) 赤陸: 魚脂豐盈，經炙燒之後魚脂滿溢。
6) 赤身醬油漬: 味道帶微酸肉質幼嫩。
-
D) 甜品
1) 宇治抹茶奶凍: 香滑濃郁奶凍，配上濃郁抹茶入口回甘。
2) 橘子啫喱: 清香橘子味道可以清清口腔。
張貼
