雪山冰廳

營業中

休息中

今日專成出咗去深水埗試依間冰廳，因為聽聞佢個炸髀，漢堡包同埋嗰個芝士波龍海鮮焗飯好好味，所以冒昧一食，點知⋯⋯⋯好正入正題～避風塘生炸髀，配紅豆冰。先前睇啲師兄話隻雞髀好似手掌咁大，其實一黎見到隻髀唔見得大隻得去邊，炸得過左火，有部份肉開始硬，個避風塘略嫌鹹。紅豆冰，紅豆就OK嘅味道就麻麻基本上下次去都唔會再叫(如果有下次)。經典芝士蛋漢堡，配海苔薯條依個經典漢堡，正常發揮個包面夠熱，煎蛋都唔錯，但嗰個海苔薯條⋯⋯軟林林。最後芝士波士頓龍蝦海鮮焗飯 依個焗飯童叟無欺，波龍正常，魚肉佢用龍脷柳(應該)但絕對唔會係鯰魚，青口都唔錯，芝士可以再多啲。整體來講⋯⋯下午茶ok啦，唔會再專登走去食，飯餐行過果頭都仲有可能嘅。戴返頭盔先，我覺得好唔好食≠你覺得好唔好食，好唔好食因人而異。