La Parrilla Steakhouse

鍾意食牛一定要試阿根廷牛排，而今次同老公去咗位於北角嘅 La Parrilla Steakhouse，佢哋嘅阿根廷牛係草飼牛。我哋係中午時段去，就梗係每人一份 set lunch 啦！Set Lunch 包咗頭盤 + 主菜 + 薯條，仲可以加配其他食物。除咗頭盤會先有餐包醫下肚先。而頭盤我哋揀咗 #阿根廷檸汁醃蝦 ，個醃汁真係好酸好開胃，配蝦真係好好好食。另外仲加咗$38 叫 #生牛肉他他，老公係好鍾意食生牛肉，我就一般般，但佢叫我試下，估唔到又幾好食喎！同我相像嘅感覺好唔同。主菜梗係食牛排啦！我哋叫咗 #封門柳，封門柳嘅肉係偏瘦，食落唔會好韌，有咬口，又好香牛味。而我就食咗 #西冷牛排，我就偏向鍾意食有少少肥嘅牛，我哋叫 medium 5成熟，因為係鐵板上，所以食嗰陣都差唔多7成熟，我覺得兩款牛都各有特色！而 set lunch 嘅桶裝 #香蒜炸薯條 ，仲可以無限添加。最後梗係要食埋甜品先夠完美啦！老公嚟之前講明要食 #自家制阿根廷油條，我知佢係好鍾意食，今次我都終於有機會食，估唔到又真係幾好食。而另一個就揀咗 #焦糖布丁，我個人覺得係有少少甜嘅，不過配埋上面啡色嘅醬食，都真係好唔錯