捌哥‧馬拉籽 (已結業)

亞女返全日，同老公拍拖仔出動搵野食，我地去左大圍食馬拉風味小店，有我喜歡飲嘅肉骨茶同喇沙。必食娘惹喇沙，喇沙湯底香濃椰子味同濃郁既咖哩味，材料都好豐富，有虎蝦魚片、豆卜同蔬菜等，麵底就揀左摻摻（即油麵同米粉）索哂d湯底，微微辣😍正‼️ 而豬手仔肉骨茶藥味濃厚，豬仔骨又夠腍，飲完暖笠笠，唔夠喉仲可以添湯家。估唔到馬拉籽芽菜雞例牌都甘大份，雞肉鹹香嫩滑，芽菜索哂雞嘅精華同醬汁好味不會膩。魚仔醬啦啦鹹香得黎又辣辣地，蜆肉鮮，不停食。玻璃魷魚蕹菜嘅玻璃魷魚爽口彈牙，配上秘製醬料，香辣又惹味。🍜娘惹喇沙🐷豬手仔肉骨茶🐔馬拉籽芽菜雞🦑玻璃魷魚蕹菜🐚魚仔醬啦啦🧋馬來西亞茶🥤冬瓜龍眼茶