影片
更多
2021-12-19
446 瀏覽
Nara 岩岩新城市開個陣 仲係窮學生，依稀記得個陣budget有限所以冇咩點叫主食。依家唔係學生了，同桌又想食吓泰國野，心思思想試返當年冇食到嘅野。當年叫一個沙冰就覺得肉赤。今日諗住叫唔同野試吓，所以叫少咗飯麵類。先上咗豬頸肉，前菜黎講份量都可以。食落幾脆口，好似炸魷魚咁，調味做得唔錯。不過魚露有少少辣。呢度員工非常有禮同貼心，偶爾會拎水壺經過幫客人加水，唔怕辣到個陣冇水飲。同桌好想食冬陰公，本來有啲怕辣嘅我抱住搏一搏嘅心態睇吓自己食唔食到呢度嘅辣。花膠海鮮冬陰公 一上菜個陣員工先會點火同倒湯，等冬陰公同海鮮慢慢加熱。就咁睇就知道好足料了。拎咗入座時送嘅蝦片點湯食，唔太辣，食到！而且非常濃郁，冬天食到真係好暖胃。順帶一提個蝦片本身都好脆好香口。大大隻蝦，已經預先切咗一半，好方便就食到，仲有魷魚同帶子。花膠好大塊，不過冇影低。青口幾飽滿。後面嘅鱸魚完全唔腥，非常抵讚，而且份量都唔少，食咗幾次都仲有。泰式野食裡面至愛之一，炒金邊粉。上面有層蛋，賣相亦好靚。金邊粉炒得好好食，配上芽菜花生砂糖令口感更豐富！蝦肉飽滿唔霉，好滿足。點返個甜品 芒果糯米飯。糯米飯仲係暖身的，煙煙韌韌。芒果偏硬身，
當年叫一個沙冰就覺得肉赤。
今日諗住叫唔同野試吓，所以叫少咗飯麵類。
先上咗豬頸肉，前菜黎講份量都可以。食落幾脆口，好似炸魷魚咁，調味做得唔錯。不過魚露有少少辣。呢度員工非常有禮同貼心，偶爾會拎水壺經過幫客人加水，唔怕辣到個陣冇水飲。
豬頸肉
19 瀏覽
0 讚好
0 留言
同桌好想食冬陰公，本來有啲怕辣嘅我抱住搏一搏嘅心態睇吓自己食唔食到呢度嘅辣。花膠海鮮冬陰公 一上菜個陣員工先會點火同倒湯，等冬陰公同海鮮慢慢加熱。就咁睇就知道好足料了。
花膠海鮮冬陰公
17 瀏覽
0 讚好
0 留言
拎咗入座時送嘅蝦片點湯食，唔太辣，食到！而且非常濃郁，冬天食到真係好暖胃。順帶一提個蝦片本身都好脆好香口。
大大隻蝦，已經預先切咗一半，好方便就食到，仲有魷魚同帶子。
花膠好大塊，不過冇影低。青口幾飽滿。後面嘅鱸魚完全唔腥，非常抵讚，而且份量都唔少，食咗幾次都仲有。
泰式野食裡面至愛之一，炒金邊粉。上面有層蛋，賣相亦好靚。金邊粉炒得好好食，配上芽菜花生砂糖令口感更豐富！蝦肉飽滿唔霉，好滿足。
炒金邊粉
14 瀏覽
0 讚好
0 留言
點返個甜品 芒果糯米飯。糯米飯仲係暖身的，煙煙韌韌。芒果偏硬身，唔會太甜，一啲都唔搶風頭。
芒果糯米飯
9 瀏覽
0 讚好
0 留言
椰青水好清新，食太多辣野個陣特別好飲，而且椰子肉好輕鬆就刮起到出黎食。
椰青
8 瀏覽
0 讚好
0 留言
味道比起學生時期個陣都冇走樣，雖然都仲係有啲貴，但偶爾嚐鮮都唔錯。
張貼
