喜來稀肉 (登龍街)

營業中

休息中

喺香港香港食嘢嘅選擇真係好多，今晚我去咗食韓國嘢！兩個人點咗：-炒年糕 - 味親唔算好辣， 年糕都幾煙靭， 魚糕夠晒多。 $85一份， 性價比高。水冷麵 - 唔太識分水冷麵同冷拌麵嘅分別，麵興彈牙， 加埋個白醋同芥辣醬食，好Refreshing。 但略嫌個面黐埋一舊，要自己散開。韓豚五花肉 - 發覺去食韓國燒肉， 普遍豬肉都係好食過牛肉，而呢一間燒肉店亦都係一樣，個五花肉肥膏分配比例好好， 唔會太油膩。牛肋骨肉 - 相對起豬肉就較為失色，但係都牛尾充足， 一舊舊咁上碟， 好似抵食過一片片😂😂整體感覺唔錯，價錢相對起其他香港嘅餐廳算合理，但抽風系統較差，會再幫襯。