Kampoeng

營業中

休息中

打完風嘅天氣都係唔穩定，經常落雨，今日要往銅鑼灣工作，放工和先生在崇光附近嘅Kampoeng食番個晚餐，食店位於地牢，主打東南亞菜，木質藤類傢俬裝修，好有樸實風味。海南雞半隻碟頭十足，雞肉嫩滑有雞味，咸味又啱啱好，點埋羌蓉，雞醬等醬料，更加惹味。炒芥蘭有鑊氣又大碟，爽脆嫩綠，咸香醬汁好啱味。粟米餅炸得夠鬆脆，熱辣甘香，粟米饀料豐富，幾醒胃嘅小食。印尼炒飯好好食，炒飯很有鑊氣，粒粒炒得熱香，雞肉粒咸度適中，真係要食多碗。巴東牛肉飯很惹味，牛肉軟滑入味，又有甘筍豆角等新鲜配菜，白飯軟滑熱暖，幾啱食嘅風味菜。